AB (Avropa Birliyi) Şurası tərəfindən işgəncələr və qanunsuz həbslərə qarşı Maqnitski Aktı qəbul olunub və Rusiyaya sanksiya tətbiq edilib. Azərbaycan və Ermənistanın bu siyahıya qoşulması normal bir prosesdir.

Bu sözləri BUTA.TV-a ekspert Natiq Cəfərli Azərbaycan və Ermənistanın Rusiyaya qarşı Maqnitski Aktına qoşulmasını şərh edərkən deyib.

Ekspertin sözlərinə görə, Azərbaycanın bu akta quşulması Rusiya ilə münasibətlərdə hər hansı problem yarada bilməz:

“Təbii ki, Rusiya Azərbaycana diplomotik müstəvidə narazılığını bildirə bilər. Lakin bu o demək deyil ki, Azərbaycan Rusiyaya qarşı hər hansı beynəlxalq konvensiyaya qoşulmamalıdır. Azərbaycan işgəncələrə və qanunsuz həbslərə qarşı BMT-nin konvensiyasına da qoşulub. Buna görə də düşünürəm ki, Maqnitski Aktına qoşulmaqla Azərbaycan doğru addım atıb”, - ekspert vurğulayıb.

Qeyd edək ki, AB Şurası mövcud qadağanedici tədbirləri növbəti 12 ay üçün, yəni 2024-cü il dekabrın 8-dək uzadıb və məhdudiyyətlərə məruz qalan şəxslərin və təşkilatların siyahısını dəqiqləşdirib. AB-yə daxil olmayan 11 dövlət, o cümlədən Ermənistan və Azərbaycan AB Şurasının Avropa Maqnitski Siyahısını – Brüsselin insan hüquqlarının ciddi şəkildə pozulması ittihamı ilə tətbiq etdiyi məhdudiyyətləri daha bir il uzatmaq qərarına qoşulub.

• Babaları ilə uşaqlıq şəkillərini paylaşdılar - Foto
• QHT-lər Zəngilandakı həmin dəqiqədən danışır
• Hər qarış torpaq Azərbaycan xalqına məxsusdur - Prezident
• Hamını kövrəldən an: Samir Sarıyev kimdir? - Video
• Qazaxıstanlı modellər Bakının mərkəzində... - Video
• Atasının Prezidentlə söhbəti gündəm olan - Şəhid Samirin döyüş yolu
• “Qarabağ bizim yox, orada buğda əkən bir neçə generalın nəzarətində idi” - Video
• Bəzi yollarda görünüş məsafəsi məhdudlaşacaq