İtkin düşən erməni əsgərlərin valideynləri Ermənistan Müdafiə Nazirliyinin binasına girişləri bağlayıb, Müdafiə Nazirliyinin əməkdaşlarını binadan buraxmayıblar.

BUTA.TV erməni mediasına istinadla xəbər verir ki, binanın girişini bağlayanlar arasında müharibə zamanı övladını, ərini itirmiş şəxslər, 44 günlük müharibədə iştirak etmiş, rütbə almış zabitlər də olub.

Uzun cəhdlərdən sonra MN-in əməkdaşları əsgərlərin müşayiəti ilə binanı tərk edə biliblər. Onlar binadan çıxarkən valideynlərinin qarğış və söyüşləri ilə üzləşiblər.