Nigeri işğal etməyə çağıran 3 ölkə... - Ekspert
Nigeri işğal etməyə çağıran Nigeriya, Kot-d'İvuar və Seneqal prezidentləri özləri də postlarını itirə bilərlər.
BUTA.TV xəbər verir ki, bunu malili politoloq Adama Diabate deyib.
"Bu işğalı tələb edənlər, yəni Nigeriya, Kot-d'İvuar və Seneqal prezidentləri - əgər onların orduları vəziyyətdən istifadə edib hakimiyyəti ələ keçirmək istəsələr, postlarını itirəcəklər", - ekspert bildirib.
Onun sözlərinə görə, Mali, Burkina Faso və Niger orduları birləşsə, istənilən hərbi işğala birgə müqavimət göstərə biləcəklər.
Qeyd edək ki, avqustun 26-da Niger silahlı qüvvələrinin Baş Qərargah rəisi Musa Salau Barmu ordunun maksimum hazırlıq vəziyyətinə gətirilməsini əmr edib.
