Naxçıvanda fəhlə faciəvi şəkildə öldü
Naxçıvanda fəhlə tikinti zamanı ölüb.
BUTA.TV xəbər verir ki, bu barədə Ordubad Rayon Prokurorluğu məlumat yayıb.
Bildirilib ki, avqustun 26-da 1980-ci il təvəllüdlü İlham Hüseynov Ordubad rayonunun Vənənd kəndində iaşə obyektinin tikintisi zamanı beton tökən qurğunun başlığının ona dəyməsi nəticəsində vəfat edib.
Faktla bağlı Ordubad Rayon Prokurorluğunda araşdırma aparılır.
Hadisənin başvermə səbəbi tam, hərtərəfli və obyektiv araşdırılmaqla nəticəsi barədə müvafiq qərarın qəbul edilməsi təmin olunacaq.
