Yanğınlardan sonra mindən çox insanın itkin düşdüyü ABŞ-nin Havay ştatının Maui adasında axtarış əməliyyatları davam edir.

BUTA.TV xəbər verir ki, bu barədə Havay adalarının qubernatoru Coş Qrin CBS telekanalında məlumat verib.

Onun sözlərinə görə, itkin düşən 1050 nəfərin axtarışı bir neçə həftə çəkəcək:

“Yanğından təsirə məruz qalan ərazilərin 85%-i yoxlanılıb. İndi biz böyük binaları tədqiq edirik, bunun üçün mərtəbələrin və konstruksiyaların təmizlənməsi tələb olunur”.

Qeyd edək ki, Havay arxipelaqının kiçik adalarından biri olan Maui adasında meşə yanğını avqustun 9-da başlayıb. Güclü külək səbəbindən yanğın qısa zamanda turistik Lahaina şəhərinə də keçib. Nəticədə şəhər tamamilə yanıb, insanlar yanğından uzaqlaşmaq üçün okeana üzüblər. Onlar sahil mühafizəçiləri və könüllülər tərəfindən xilas ediliblər.

• Təmsilçimiz finala çıxa bilmədi - Video-Yenilənib
• Etibarnamə ilə maşın sürənlərin nəzərinə: gələn aydan…
• Taksilər avtobus zolağına daxil ola bilərmi?
• Vado Korovinin kürəkəni də işdən çıxarıldı
• Bakı nəqliyyatı üçün yeni plan açıqlandı
• Şuşada “Xarıbülbül” festivalı keçirilir - Foto
• Bakıda 3 böyük dairəvi yol tikiləcək
• Xırdalan dairəsində hansı yeniliklər olacaq? - Açıqlandı