Moskvada bu gün keçirilən Azərbaycan, Rusiya və Ermənistan xarici işlər nazirlərinin görüşündə müzakirə mövzusu olan ən mühüm məqamlardan biri də azərbaycanlıların öz yurd-yuvalarına qayıtması ilə bağlı olub.

BUTA.TV xəbər verir ki, bunun Azərbaycan tərəfindən xüsusi israrla irəli sürüldüyünü Rusiya xarici işlər naziri Sergey Lavrovun çıxışından təxmin etmək mümkündür.

Serrgey Lavrov açıqlamasında bildirir: “Azərbaycan tərəfi öz ərazisində yaşayan şəxslərə münasibətdə QARŞILIQLI ƏSASDA (fərqləndirmə bizimdir – red.) eyni zəmanətləri verməyə hazırdır. Ermənilər Ermənistan Respublikasında yaşayan vətəndaşlara bütün konvensiyaların tətbiqi ilə bağlı eyni şeyi etməyə hazırdırlar”.

Belə görünür ki, Azərbaycan Qarabağ iqtisadi zonasının bir hissəsində məskunlaşan ermənilərə Azərbaycanın digər vətəndaşları ilə eyni hüququ verməyə hazırdır, ancaq buna QARŞILIQLI ƏSAS tələb edir. Yəni Ermənistanın da öz ərazisində azərbaycanlılara eyni hüquqları – yaşam və vətəndaşlıq hüququnu verməsini istəyir.

Lavrovun sözlərinə görə, İrəvan da “Ermənistan Respublikasında yaşayan vətəndaşlara bütün konvensiyaların tətbiqi ilə bağlı eyni şeyi etməyə hazırdır”.

Beləliklə, ermənilərin Qarabağda tamhüquqlu vətəndaş kimi yaşaması müqabilində - qarşılıqlı olaraq – Ermənistanın da 1988-ci ildə qovulan azərbaycanlıları qəbul etməsi və tamhüquqlu vətəndaş kimi haqlarını təmin etməyi öhdəsinə götürməsi danışıqların əsas müzakirə mövzusudur və bu istiqamətdə artıq razılaşma da var.

Köçürülmə vaxtı azərbaycanlıların təhlükəsizliyi necə təmin ediləcək? Ermənistanda da “sülhməramlı” yerləşdiriləcəkmi və bu, hansı qüvvə olacaq?

Görünür, Lavrovun “asan deyil” açıqlamasının səbəbi də budur.

• Dünya Çempionatı ilə bağlı - Xəbərdarlıq
• Milyarderi montaj olunmuş görüntülərlə şantaj edib - 1,2 milyard dollar istədi
• Təmsilçimiz finala çıxa bilmədi - Video-Yenilənib
• Etibarnamə ilə maşın sürənlərin nəzərinə: gələn aydan…
• Taksilər avtobus zolağına daxil ola bilərmi?
• Vado Korovinin kürəkəni də işdən çıxarıldı
• Bakı nəqliyyatı üçün yeni plan açıqlandı
• Şuşada “Xarıbülbül” festivalı keçirilir - Foto