Almaniya Federal Kəşfiyyat Xidməti (BND) iyunun sonunda Rusiyada baş verən qiyam zamanı “Vaqner” qrupunun lideri Yevgeni Priqojin və Belarus Prezidenti Aleksandr Lukaşenkonun danışıqlarının səs yazısını əldə edə bilib.
BUTA.TV xəbər verir ki, bu barədə Almaniyanın WDR və NDR yayım şirkətlərinin birgə araşdırmasında deyilir.
Bildirilib ki, alman kəşfiyyatı vaqnerçilərin lideri ilə Lukaşenkonun Rusiyada üsyanın dayandırılması şərtlərini müzakirə edərkən onların telefon danışıqlarını dinləyib. Beləliklə, BND birbaşa Lukaşenkonun Priqojinlə Rusiya prezidenti Vladimir Putin arasında vasitəçi rolunu öyrənib.
Həmçinin, WDR və ARD qeyd edir ki, Alman kəşfiyyatçıları hadisələrdən bir həftə əvvəl Rusiyada mümkün üsyana dair qeyri-müəyyən sübutlara malik idilər və məlumatları tərəfdaşları ilə təsdiqləməyə çalışdılar, lakin heç bir nəticə əldə olunmadı və buna görə də bu barədə kansler Olaf Şoltsa məlumat verilmədi.
Məlumata görə, BND-dən hadisələrlə bağlı ilk xəbərdarlıq Almaniya hökumətinə cümə günü axşam - Vaqner muzdlularının Rusiya hərbi obyektlərini və Rusiyanın Rostov şəhərini işğal etməsindən bir gün əvvəl göndərilib.
- Hava ilə bağlı daha bir xəbərdarlıq
- O erməni qadının mənə etdiklərini dana bilmərəm...
- Liderlərin səmimi anları - Fotolar
- Bakıda məktəbdə şagirdlər arasında münaqişə...
- Fənn müsabiqələrində keçid balları niyə fərqlidir?
- Türkiyədə azərbaycanlı xəstə baxıcısı 88 yaşlı qadını döyüb
- Vüsal Aslanov üçün onlar “ikinci növ” insandır? - Deputat
- Yanvar-aprel aylarında pensiyalara bu qədər vəsait yönəldilib