Növbəti aydan direktorların işə qəbulu müsabiqəsi çərçivəsində ixtisas biliklərinin yoxlanılması üzrə test imtahanı keçiriləcək.
Bu barədə BUTA.TV-a Məktəbəqədər və Ümumi Təhsil üzrə Dövlət Agentliyindən (MÜTDA) məlumat verilib.
Bildirilib ki, direktor vəzifəsi vakant olan dövlət ümumi təhsil müəssisələrinə direktorların işə qəbulu müsabiqəsi çərçivəsində, müsabiqənin qaydalarına uyğun olaraq təhsil və staj tələblərini ödəyən, lakin sertifikatlaşdırma, diaqnostik qiymətləndirmə və ya müəllimlərin işə qəbulu müsabiqəsinin test mərhələsi üzrə nəticəsi olmayan və ya müəyyən edilmiş tələblərdən aşağı nəticə göstərən direktorlar, direktor müavinləri, həmçinin uşaqlarla məktəbdənkənar və sinifdənxaric tərbiyə işi üzrə təşkilatçılar üçün ixtisas biliklərinin yoxlanılması məqsədilə test imtahanı keçiriləcək.
İmtahan namizədlərin ixtisas fənlərinə uyğun olaraq 2, 3, 10 və 11 may tarixlərində təşkil olunacaq. Bu istiqamətdə daha əvvəl keçirilmiş imtahana dəvət olunmuş şəxslərin sözügedən imtahanda iştirakı nəzərdə tutulmur.
Vətəndaşlar aprelin 23-ü saat 17:00-dək çalışdıqları ümumi təhsil müəssisəsinin tabe olduğu yerli təhsil idarəetmə orqanına müraciət edərək imtahanda iştirak üçün qeydiyyatdan keçə bilərlər. Müraciət zamanı şəxsiyyət vəsiqəsinin və ali təhsil haqqında sənədin təqdim edilməsi tələb olunur.
- Gecə işləyənlərin maaşı belə hesablanır - Əlavə haqq almalısınız
- 15 nəfərin öldüyü təyyarə qəzasının - Anbaan görüntüləri
- Bakıdan Tiflisə gedəcək qatarın - Fotosu
- Bakı-Tiflis qatarında bilet bu qiymətə olacaq - Ekspert
- Azərbaycan Kərkükdə 150 ailəyə bayram sovqatı çatdırdı
- İllərdir yolu gözlənilən qatarın - Fotoları
- Bakıdan Tiflisə qatarlar bu saatda yola düşəcək
- Tbilisiyə qatarla getmək istəyənlərin nəzərinə! - Qrafiklər açıqlandı