ABŞ Prezidenti Donald Trampın İrana qarşı müharibəsi amerikalılar üçün ciddi iqtisadi nəticələrə gətirib çıxara bilər, xüsusən də neft və yanacaq qiymətlərinin kəskin artması prezidentin özünün məğlubiyyətinə səbəb olacaq.
BUTA TV xəbər verir ki, bu barədə "Quardian" məlumat yayıb. Nəşr qeyd edir ki, Tramp İrana qarşı əməliyyata başlayarkən onun Venesuela lideri Nikolas Maduronun ələ keçirilməsi qədər uğurlu olacağına əmin idi:
"Hətta İranın İsraili və Fars körfəzi ölkələrini atəşə tutması belə Ağ Evin qənaətini dəyişmədi. Onun açıqlamaları buna sübutdur. ABŞ prezidenti sosial mediada yazıb ki, neftin qiymətinin qısamüddətli artması İranın nüvə təhlükəsi aradan qaldırıldıqdan sonra təhlükəsizlik və sülh üçün ödəniləcək kiçik qiymətdir.
O, həmçinin vurğulayıb ki, Amerika iqtisadiyyatı bu cür dalğalanmalara tab gətirmək iqtidarındadır".
Qeyd olunub ki, ABŞ bəlkə də enerji qiymətlərindəki kəskin artımlardan ən yaxşı qorunan inkişaf etmiş iqtisadiyyatdır:
"Axı orada təbii qaz böyük rol oynayır, onun daxili qiyməti neftin qiyməti qədər dünya bazarlarındakı dalğalanmalara həssas deyil. Amma indi Tramp nə qədər güclü görünsə də, yenə də məğlub ola bilər. Söhbət İran ordusundan getmir.
O, Amerikanın hərbi "macəralarını" dayandıra biləcək yeganə qüvvənin - Amerika ictimaiyyətinin müqaviməti ilə üz-üzədir".
- Bu gün sonuncu Qədr gecəsidir
- Sabah yağış yağacaq
- Neftçalada 37 yaşlı qadın faciəvi şəkildə öldü
- Bakıda 53 yaşlı qadın doğuş zamanı öldü
- Prezident bu türbənin bərpasına 10 milyon ayırdı
- Məzuniyyət vaxtı üçün əmək haqqı necə hesablanır?
- Ramazan bayramı namazının vaxtı açıqlandı
- Fransız casusa hökm oxundu