Azərbaycanla saziş imzalanıb ratifikasiya olunsa və sabit sülh əlamətləri görünsə, AB müşahidəçiləri üçün yeni mandatın müzakirəsi mümkün ola bilər.

BUTA.TV xəbər verir ki, bunu Ermənistan xarici işlər nazirinin müavini Paruyr Ovhannisyan deyib.

Onun sözlərinə görə, bu mandat yalnız sərhəd xətti ilə məhdudlaşmaya bilər:

"Bu missiyanın həmçinin İrəvan və Bakı arasında etimad quruculuğu tədbirlərini dəstəkləmək və müxtəlif bölgələrdə potensialı inkişaf etdirmək kimi funksiyaları var. Gələcəkdə Avropa müşahidəçiləri ilə əməkdaşlığın davam etdirilməsi üçün uyğun bir model tapa biləcəyimizi düşünürəm”.

Bakının müşahidəçilərin Ermənistandan tamamilə çıxarılmasını tələb edə biləcəyi ehtimalına cavab olaraq Ovhannisyan bildirib ki, hazırda heç bir məsələdə tam əminlik yoxdur:

"Avropa müşahidəçiləri hərbi güc hesab edilirmi? Bu, sadəcə müşahidə missiyasıdır. Məntiqlə belə bir tələb olmamalıdır, amma dəqiq proqnoz vermək çətindi".

Nazir müavini sülh əldə olunarsa, müşahidə missiyasına ehtiyac qalmaya biləcəyini də vurğulayıb.

• Fidanla Rubionun görüşü öncəsi Paşinyanın zənginin səbəbi
• “Hər şey çox gözəl olacaq” deyən də saxlanıldı - VİDEO
• 13 yaşlı qızdan uşağı olan şəxsin azadlığa çıxması müzakirələrə səbəb oldu
• Tovuzda günlərlə evdə ac qalan uşaq Bakıya gətirildi
• Rusiyalı hərbi müxbir Belqorodda öldürüldü
• Arakçının İrəvandakı bəyanatları: İran nədən “narahatdır”?
• İradə İbrahimova: "Kişi səhv də olsa, sözünün üstünə söz deyilməməlidir"
• Ermənistan MN-dən qəribə bəyanat: Havaya açılan atəş?..