Azərbaycanın müdafiə naziri general-polkovnik Zakir Həsənov Mərakeş Krallığının Hökumət Başçısı yanında Milli Müdafiə Administrasiyası üzrə səlahiyyətli naziri Abdellatif Ludiyinin dəvəti ilə Mərakeşdə işgüzar səfərdədir.

Müdafiə Nazirliyindən BUTA.TV-a bildirilib ki, səfər çərçivəsində general-polkovnik Z.Həsənov mərakeşli həmkarı ilə görüşüb.

Azərbaycan Respublikasının müdafiə naziri "Mərakeş Aviaşou 2024" sərgisinə dəvətə görə həmkarına təşəkkür edib.

Görüşdə Azərbaycan ilə Mərakeş arasında hərbi, hərbi-texniki əlaqələrin inkişaf perspektivləri müzakirə edilib, həmçinin qarşılıqlı maraq doğuran digər məsələlər ətrafında geniş fikir mübadiləsi aparılıb.

Görüşün sonunda Azərbaycan Hökuməti adından müdafiə naziri mərakeşli həmkarı ilə "Azərbaycan Respublikası Hökuməti və Mərakeş Krallığı Hökuməti arasında müdafiə sahəsində hərbi əməkdaşlıq haqqında Saziş"ini imzalayıb.

• 34 yaşlı kişi küçədə bıçaqlandı: 17 yaşlı oğlan saxlanıldı
• Bakıda 2 nəfərin güllələnməsi ilə bağlı cinayət işi açıldı
• Dünya səyyahları Laçında - Foto
• Bu əraziyə qar yağır
• Rəşad Baxşəliyev vəfat etdi
• Bu mənzillərə tələbat artıb: Səbəbi... - Video
• Dünya səyyahları Şuşa şəhərində...
• Ötən gün Azərbaycanda 40 nəfər saxlanıldı