Son saatlar ərzində qanunsuz silahlı dəstələr Ağdam istiqamətində atəşkəsi pozmaqla bərabər, kifayət qədər geniş miqyasda toplamaqdadır. Ağdərə istiqamətində qanunsuz silahlıların ciddi yerdəyişmələri müşahidə olunur.

Bu sözləri BUTA.TV-a erməni separatçıların artan təxribatları haqqında danışan hərbi ekspert Ədalət Verdiyev deyib.

Hərbi ekspert yaxın saatlarda yeni təxribatların gözlənildiyi haqqında xəbərdarlıq edib:

"Qarabağda rus sülhməramlıların müvəqqəti məsuliyyət bölgəsində yaşayan erməni separatçıların “hərbçiləri” geri çağırması və silah tuta bilənlərin qeyri-qanuni dəstələrə cəlbi müşahidə olunur. Qarabağdakı separatçıların fəaliyyəti onların yaxın saatlarda təxribat törətmək üçün hazırlıqlarını demək olar ki, tamamladıqlarını göstərir. Böyük ehtimalla rus sülhməramlıların müvəqqəti məsuliyyət bölgəsindəki separatçıların qeyri-qanuni silahlı dəstələri yaxın saatlarda Ağdərə istiqamətindən Ordumuzun Ağdamdakı mövqeləri istiqamətində təxribat törədəcəklər. Ayıq-sayıq olmalıyıq və diqqətimizi xüsusilə Ağdərə istiqamətinə yönəltməliyik".

Qeyd edək ki, Azərbaycan MN qanunsuz erməni silahlıların gecə 22:55-dən 23:45-ə qədər Ordumuzun Ağdam rayonu istiqamətində yerləşən mövqelərinin qarşısında səngərin mühəndis cəhətdən hazırlanması məqsədilə qazıntılar aparmağa cəhd göstərdikləri barədə məlumat yayıb.

• Şahin Bağırovdan “Temu” ilə bağlı açıqlama
• Ağsuda "Isuzu" qəzaya uğradı, sürücü belə xilas edildi - Video
• Bacarıqlar Sammiti: ikitərəfli görüşlər keçirildi
• Komitə sədri gömrükdə sahibsiz qalan mallardan danışdı
• Bakıda bu məhsul 35% bahalaşdı – Səbəb
• Azərbaycan-İran yeni sərhəd keçid məntəqəsi istifadəyə verilir
• "Park Yasamal"da ipoteka imkanı ilə hazır mənzillər – "Kristal"
• May ayının havası: intensiv yağışlar...