Ərdəbil əyalətinin Nir şəhəri yaxınlığında yerləşən tarixi “Şah Abbas” karvansarayının bərpası üçün vəsait ayrılmır.

Kult.az xəbər verir ki, bu barədə yerli mədəni fəallar paylaşım ediblər.

Məlumata görə, bundan əvvəl adıçəkilən tarixi abidənin YUNESKO tərəfindən beynəlxalq mədəni irs siyahısına alınması üçün müraciət edilib.

Bir müddət əvvəl Ərdəbil əyalətinin Mədəni İrs Təşkilatının rəhbəri Nadir Fəllahi də məsələ ilə bağlı açıqlama verib. O, "Şah Abbas" karvansarayının Ərdəbil əyalətinin ən önəmli abidələrindən biri, ümumdünya mədəni irs siyahısına salınması üçün qeydiyyata alınmış ikinci abidə olduğunu söyləyib.

Qeyd edək ki, tarixi karvansaray Ərdəbil əyalətində, Nir-Sarab yolunun üstündə və Nir şəhərinin 10 kilometrliyində yerləşir. “Sayın” karvansarayı kimi də tanınan tarixi abidə 1983-cü ildə 1653 qeydiyyat nömrəsi ilə İranın mədəni irs siyahısına salınsa da, onun yenidən qurulması və qorunması üçün tədbir görülmür.

• Bakıda 30 il öncə törədilən qətlin təfərrüatları... - Video
• Tramp marşrutu: Bakı və Vaşinqton texniki danışıqlara başladı
• Sahil Babayev bu federasiyanın prezidenti seçildi
• "Son zəng"lə bağlı tələblər qoyuldu
• ADY sədri DYƏT-in iclasında iştirak etdi
• Balakişi Qasımovun səlahiyyət müddəti bitdi
• Bulvarda Caz və Şərab Festivalı başlayır - Foto
• Bakıda yanğın olan məktəbdə qəfil yoxlama aparıldı