Belarus nümayəndə heyəti ATƏT PA-nın Buxarestdəki 31-ci sessiyasına buraxılmayıb.

BUTA.TV xəbər verir ki, bu barədə Parlament məlumat yayıb.

Məlumata görə, rəsmi Buxarest ölkənin qanunverici orqanı təmsil edən deputatlara viza verməkdən imtina edib. Bu addımın ATƏT-in baza prinsiplərinə zidd olduğu qeyd olunub:

“Belarus ATƏT PA-nın iclasında aktiv iştirak edir. 2017-ci ildə ölkəmiz qurumun 26-cı sessiyasına uğurla ev sahibliyi edib. Bu zaman 55 ölkəni təmsil edən parlament nümayəndə heyətlərinin fəaliyyəti üçün maksimal dərəcədə əlverişli şərait yaradılıb. Onu da bildiririk ki, ATƏT-in Parlament Assambleyası xüsusilə də hazırkı gərgin siyasi vəziyyətdə önəmli hesab olunan açıq və inklüziv dialoq meydançasıdır. Belarus nümayəndə heyətinin bu toplantının işinə buraxılmaması açıq diskriminasiyanın bariz nümunəsidir. Bu xüsusda Belarus nümayəndə heyəti sessiyanın gedişində ölkəmizə qarşı qəbul ediləcək istənilən qərarı tanımır”, - bəyanatda qeyd olunub.

Qeyd edək ki, ATƏT PA-nın növbəti sessiyası iyunun 29-dan iyulun 3-dək Rumıniyada keçiriləcək.

• MTK vətəndaşların evini sökdü, kompensasiya da vermir - Video
• Xüsusi əməliyyatla Bakıya gətirilən şəxslər həbs edildi
• Bakıda 30 il öncə törədilən qətlin təfərrüatları... - Video
• Tramp marşrutu: Bakı və Vaşinqton texniki danışıqlara başladı
• Sahil Babayev bu federasiyanın prezidenti seçildi
• "Son zəng"lə bağlı tələblər qoyuldu
• ADY sədri DYƏT-in iclasında iştirak etdi
• Balakişi Qasımovun səlahiyyət müddəti bitdi