Ermənistanın Baş naziri Nikol Paşinyan Parisdə keçirilən Altıncı Sülh Konfransında Azərbaycanın apardığı “etnik təmizləmə”dən danışdıqdan sonra Azərbaycanın Fransadakı səfiri Leyla Abdullayeva çıxış edib.
BUTA.TV erməni mediasına istinadla xəbər verir ki, L.Abdullayeva Azərbaycanın 2020-ci ildə və sonrakı dövrdə fəaliyyətinin yeganə məqsədinin ərazi bütövlüyünü bərpa etmək olduğunu vurğulayıb.
O bildirib ki, beynəlxalq ictimaiyyət də Azərbaycanın ərazi bütövlüyünü tanıyır, Bakının özü sülh prosesinin təşəbbüskarı olub və Fransanın xarici işlər naziri İrəvanda Ermənistana silahla kömək etmək barədə danışanda Fransanı sülh prosesinə mane olmaqda ittiham edib.
Paşinyan bildirib ki, Azərbaycan bir tərəfdən sülhdən danışır, digər tərəfdən Ermənistanı “Qərbi Azərbaycan” adlandırır.
“Fransa məsələsinə gəlincə, hər bir suveren ölkənin orduya sahib olmaq və özünü müdafiə etmək üçün silahlanmaq hüququ var.
Azərbaycan külli miqdarda silah alır və onların silah almaq üçün büdcəsi Ermənistanın hərbi xərclərindən 3 dəfə çoxdur. Əgər Azərbaycan üç razılaşdırılmış prinsipi təsdiq edərsə, yaxın aylarda sülh müqaviləsinin imzalanması reallıqdan da artıqdır”, - Paşinyan bildirib.
- Bu agentliyə yeni səlahiyyət verildi – Qərar
- “28 May” və “Cəfər Cabbarlı” arasında yeni pilləkən tikilir - Foto
- Rasim İldırım barışıq üçün ona - 150 min təklif edir
- ADY-də qanvermə aksiyası keçirildi
- Prezident WUF13 ilə bağlı görülən işlərlə tanış oldu - Foto
- Hərbçilərimiz paraşüt tullanışlarını icra etdi - Video
- Prezident Bakı Olimpiya Stadionunda - Fotolar
- Hantavirus insandan insana nadir halda keçir - Rəsmi