Paşinyan Blinkenin nümayəndəsi ilə görüşdü
Ermənistanın Baş naziri Nikol Paşinyan ABŞ dövlət katibinin Cənubi Avropa və Avrasiya məsələləri üzrə köməkçisinin müavini Coşua Hakla görüşüb.
BUTA.TV xəbər verir ki, bu barədə Ermənistan hökumətinin mətbuat xidməti məlumat yayıb.
Paşinyan söhbət zamanı Azərbaycan-Ermənistan münasibətlərinin tənzimlənməsi prosesində ABŞ-ın səylərinin vacibliyini vurğulayıb.
Tərəflər Azərbaycan-Ermənistan münasibətlərinin tənzimlənməsi, ərazi bütövlüyü, suverenlik, yurisdiksiya və qarşılıqlı prinsiplər əsasında regional nəqliyyat infrastrukturlarının açılması, Azərbaycan-Ermənistan sərhədinin delimitasiyası, eləcə də regionda sülh və sabitliyin təmin edilməsi ilə bağlı məsələləri müzakirə ediblər.
Həmçinin, Ermənistan-ABŞ əməkdaşlıq gündəliyi ilə bağlı fikir mübadiləsi aparılıb.
Qeyd edək ki, C. Hak regionda səfərdədir.
