Makron İsraildə Hersoqa məsləhət verdi

Fransa İsrailin terror qruplaşmalarına qarşı mübarizəsini dəstəkləyir, lakin məqsədyönlü əməliyyatlar keçirməyin tərəfdarıdır.

BUTA.TV xəbər verir ki, bunu Fransa Prezidenti Emmanuel Makron israilli həmkarı İshaq Hersoqla görüşündə deyib.

“Bu terrorla mübarizə, həm də münaqişənin genişlənməsinin qarşısını almaq bizim borcumuzdur. Səsləndirdiyiniz xəbərdarlıqları bölüşürəm, lakin terror qruplaşmalarına qarşı ciddi mübarizə aparmaq, məqsədyönlü əməliyyatlar təşkil etmək zərurətdir. Paris İsrail və bütün region üçün sülh, təhlükəsizlik və sabitliyin bərpası üçün əlindən gələni edəcək. Fransa davam edən münaqişəyə girməyə cəhd edə biləcək bütün terrorçu qruplara mesajlar göndərib”, - o bildirib.

Makron HƏMAS tərəfindən saxlanılan girovların azad edilməsini prioritetlərindən biri adlandırıb.

Qeyd edək ki, onun görüşdən əvvəl təqdim etdiyi statistik məlumatlara görə, itkin düşmüş və ehtimal ki, əsir düşmüş Fransa vətəndaşlarının sayı iki nəfər artaraq 9 nəfərə çatıb.