Tiflisdə beynəlxalq səviyyəli yeni aeroportun tikilməsi planlaşdırılır.

BUTA.TV xəbər verir ki, bu sözləri Gürcüstanın Baş naziri İrakli Qaribaşvili deyib.

Onun sözlərinə görə, hava limanı keçmiş “Vaziani” aeroportunun yerində tikiləcək:

“Bu, tranzit və logistika hava limanı olmalıdır. Biz iki variant üzərində işləyirik: biri mövcud hava limanının inkişafı və genişləndirilməsidir. Ancaq bu hava limanının çatışmazlıqları, məhdudiyyətləri var və həqiqətən böyük inkişafa imkan vermir. Üstəlik, biz regionda aviasiya qovşağına çevrilmək istəyiriksə, bu aeroport və onun ərazisi buna imkan vermir. Ona görə də yeni hava limanı lazımdır. Tiflisdə belə bir yer keçmiş “Vaziani” hava limanıdır. Mənim tapşırığımla İqtisadiyyat Nazirliyi bu istiqamətdə fəal iş aparır”.

Qeyd edək ki, Tiflisdə hazırda Şota Rustaveli Beynəlxalq Hava Limanını Türkiyənin TAV Hava Limanları Holdinqi idarə edir. O, 2007-ci ildə modernləşdirilib, tutumu ildə təxminən 3,5 milyon sərnişindir.

• Daha bir şəhidin nəşi 32 il sonra tapıldı
• “10 yaşımda köçkün düşmüşdüm, 10 övladımla qayıtmışam” - Video
• Bu qəsəbə sakinlərinin nəzərinə: Saat 01:00-dan 04:00-dək…
• Tramp məhv edildiyini açıqlamışdı, 2 il əvvəl ölübmüş?
• Uşağına görə məzuniyyətə çıxan valideynlərin diqqətinə!
• Boks üzrə ölkə çempionunun meyiti tapıldı
• Azərbaycanda bu şəxslərə pulsuz torpaq veriləcək
• Bu test imtahanının vaxtı açıqlandı - Video