Neft İxrac edən Ölkələr Təşkilatına (OPEK) üzv və qeyri-üzv ölkələrin nazirlərinin Vyanada keçirilən 35-ci iclasında “Əməkdaşlıq Bəyannaməsi” ölkələrinin 2024-cü il üçün gündəlik ümumi xam neft hasilatının səviyyəsini tənzimləyən qərar qəbul olunub.

Bu barədə BUTA.TV-a Energetika Nazirliyindən bildirilib.

Qeyd olunub ki, razılaşmaya uyğun olaraq gələn il gündəlik xam neft hasilatı “OPEK plus” üzrə 40,46 milyon barrel, Azərbaycan üçün 551 min barrel həcmində müəyyən edilib.

“OPEK plus”un yeni qərarını şərh edən energetika naziri Pərviz Şahbazov bildirib ki, “Əməkdaşlıq Bəyannaməsi” iştirakçıları üçün əsas məqsəd neft bazarında ümumi mənafeyə xidmət edən balansa nail olmaq və neft sektorunun inkişafına mənfi təsir göstərən volatilliyin qarşısını almaqdır:

“Hesab edirəm ki, OPEK və qeyri-OPEK ölkələrinin bu qərarı da neft bazarına zəruri dəstəyi təmin edəcək.”

“OPEK plus”un növbəti görüşü 2023-cü ilin 26 noyabr tarixinə təyin edilib.

• Daha bir şəhidin nəşi 32 il sonra tapıldı
• “10 yaşımda köçkün düşmüşdüm, 10 övladımla qayıtmışam” - Video
• Bu qəsəbə sakinlərinin nəzərinə: Saat 01:00-dan 04:00-dək…
• Tramp məhv edildiyini açıqlamışdı, 2 il əvvəl ölübmüş?
• Uşağına görə məzuniyyətə çıxan valideynlərin diqqətinə!
• Boks üzrə ölkə çempionunun meyiti tapıldı
• Azərbaycanda bu şəxslərə pulsuz torpaq veriləcək
• Bu test imtahanının vaxtı açıqlandı - Video