Ötən ilin dekabrında Buxarest şəhərində yaşıl enerjiyə dair digər bir mühüm tədbir keçirildi. Azərbaycan, Gürcüstan Macarıstan, Rumıniya bir araya gəldi və Avropa Komissiyasının Prezidenti də həmin tədbirdə iştirak etdi. Orada yaşıl enerjiyə və transmissiyaya dair müvafiq sənəd imzalandı.

BUTA.TV xəbər verir ki, bu barədə Azərbaycan Prezidenti İlham Əliyev Bakı Enerji Həftəsi çərçivəsində 28-ci Beynəlxalq Xəzər Neft və Qaz - “Caspian Oil&Gas” və 11-ci Xəzər Beynəlxalq Energetika və Yaşıl Enerji - “Caspian Power” sərgilərinin açılış mərasimindəki çıxışında bildirib.

Buxarestdə imzalanmış sənədin önəmindən bəhs edən dövlətimizin başçısı deyib: “Əminəm ki, bu, qlobal əhəmiyyətə malik bir layihə olacaqdır. Bu layihə daha çox ölkələr və şirkətlər cəlb edəcəkdir. Biz artıq təşkilat komitəsinin ilk iclasını keçirdik və razılıq əldə olundu. Belə ki, layihə çərçivəsində Xəzər dənizinin Azərbaycan sektorundan əldə olunacaq külək enerjisini ötürücü xətlər və Qara dənizin dibi ilə çəkiləcək sualtı kabel vasitəsilə Avropa bazarlarına nəqli nəzərdə tutulur”.

Prezident deyib ki, hazırda layihənin texniki-iqtisadi əsaslandırılması həyata keçirilir və bu layihə çərçivəsində ən azı 4 qiqavat “yaşıl enerji”ni Avropaya nəql edə biləcəyik ki, bu da bizim əlavə töhfəmiz olacaq.

• Bolqarıstan “Avroviziya-2026”nın qalibi oldu
• Azərbaycan 12 xalı bu ölkəyə verdi
• Daha bir şəhidin nəşi 32 il sonra tapıldı
• “10 yaşımda köçkün düşmüşdüm, 10 övladımla qayıtmışam” - Video
• Bu qəsəbə sakinlərinin nəzərinə: Saat 01:00-dan 04:00-dək…
• Tramp məhv edildiyini açıqlamışdı, 2 il əvvəl ölübmüş?
• Uşağına görə məzuniyyətə çıxan valideynlərin diqqətinə!
• Boks üzrə ölkə çempionunun meyiti tapıldı