Türkiyədə keçirilən prezident seçkisinin 2-ci turunda qalib gələn Ərdoğan bundan sonra Qərbin çağırışlarına əhəmiyyət verməyəcək və özünə uyğun olanı edəcək.

BUTA.TV xəbər verir ki, bunu erməni türkoloq Andranik İspiryan deyib.

“Birinci turun nəticələrindən öncə Ərdoğanın qələbəsinə dair ciddi şübhələr var idi. Amma birinci mərhələ başa çatdıqdan sonra nəticələr artıq bəlli olanda ikinci turun nəticələri də öncədən müəyyənləşdi. Ərdoğanın qələbəsinə Oğan amili də təsir edib. İlk turda 5% toplayan Oğan səsləri Ərdoğana yönləndirdi. Heç kimə sirr deyil ki, onun tərəfdarları Türkiyədə yaşayan və milliyyətinə görə Oğana səs verən Azərbaycan nümayəndələri idi. Bu vəziyyətdə onlar öz səslərini Azərbaycana çox da dost olmayan Kılıçdaroğluya deyil, Ərdoğana verəcəkdilər”, - o bildirib.

İspiryan Türkiyənin bölgədə oynadığı roldan təəssüfləndiyini də gizlətməyib:

“Təəssüf ki, ölkəmiz ətrafında baş verən ciddi hadisələrdə Türkiyə əhəmiyyətli rol oynayır. Ərdoğan son illər Qərbdən asılı olmayan siyasət yürüdür. Əgər seçkidən əvvəl Ərdoğan Ermənistanla münasibətlərdə təmkinli olmağa, Qərbi tamamilə özünə qarşı çevirməməyə çalışırdısa, indi artıq belə qorxular yoxdur. Bu o deməkdir ki, Ərdoğan bundan sonra Qərbin çağırışlarına, nəsihətlərinə əhəmiyyət verməyəcək və istədiyi kimi edəcək. Ermənistan bunu nəzərə almalıdır”.

• Bolqarıstan “Avroviziya-2026”nın qalibi oldu
• Azərbaycan 12 xalı bu ölkəyə verdi
• Daha bir şəhidin nəşi 32 il sonra tapıldı
• “10 yaşımda köçkün düşmüşdüm, 10 övladımla qayıtmışam” - Video
• Bu qəsəbə sakinlərinin nəzərinə: Saat 01:00-dan 04:00-dək…
• Tramp məhv edildiyini açıqlamışdı, 2 il əvvəl ölübmüş?
• Uşağına görə məzuniyyətə çıxan valideynlərin diqqətinə!
• Boks üzrə ölkə çempionunun meyiti tapıldı