Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

Kişi kirayə qaldığı evdə arvadına təcavüz edən ev sahibini ürəyindən bıçaqlayıb - TƏFƏRRÜAT

Kriminal
Kişi kirayə qaldığı evdə arvadına təcavüz edən ev sahibini ürəyindən bıçaqlayıb     - TƏFƏRRÜAT

Suraxanı rayonunda kirayə qaldığı evdə ev sahibini qətlə yetirməkdə təqsirli bilinən İlkin Əhmədovun cinayət işi.

 

Buta.ws "Ölkə.Az"a istinadən xəbər verir ki, ittihama görə Binə südçülük sovxozu adlanan ərazidə kirayədə yaşayan 1992-ci il təvəllüdlü İlkin Əhmədov ev sahibi, 1991-ci il təvəllüdlü Fial İsmayılovu qətlə yetirilib.

 

Hadisə yerinə hüquq-mühafizə orqanlarının əməkdaşları gəlib. Qətli törətməkdə şübhəli bilinən İlkin Əhmədov cinayəti qısqanclıq zəmnində törətdiyini bildirib. 

 

İstintaqla müəyyən olunub ki, səhər saatlarında İlkin Əhmədov kirayə qaldığı evə qayıtdığı zaman ev sahibi Fial İsmayılovun arvadına təcavüz etdiyini görüb. 

 

Qısas almaq niyyəti ilə İlkin Fiala əvvəlcə yumruqla sonra isə mətbəxdən götürdüyü bıçaqla ürəyinə, ardınca boyun nahiyyəsinə zərbələr endirməklə onu qəsdən həyatdan məhrum edib. 
İş üzrə dindirilən İlkin Əhmədov ifadəsində bildirib ki, əslən Gürcüstandan olsa da, uşaqlıqdan ailəsi ilə birlikdə Bakıda yaşayıb. 2014-cü ilə Aygün Nuriyeva ilə evlənib və bir müddət atası evində yaşayıb. Daha sonra ailəsi ilə Suraxanı rayonunda tanışı Fial İsmayılovun evində kirayədə yaşamağa başlayıb. Özü fəhləliklə məşğul olub, yoldaşı isə kafedə  işləyib. Tanışı Fial tez-tez onların evlərinə gəlib-gedib və axşamlar birlikdə yeyib-içiblər. 

 

Aprelin 9-da evdə təbii qazın limiti qurtardığından Aygün yemək bişirmədən yatıb. İlkin də işığı söndürüb özünü yatmış kimi göstərib ki, Fial onlara gəlməsin. Lakin bir az keçmiş Fial sərxoş vəziyyətdə onlara gəlib. İlkin ona artıq gec olduğunu desədə Fial evə daxil olub və ona pivə içmək istədiyini deyib. Gecə saat 3-ə kimi yeyib içiblər, sonra Fialı həyətlərinə yola salıb. 

 

Bir müddət sonra Fial yenədə spirtli içki götürüb onlara qayıdıb. İlkin Fialın nədənsə az içdiyini hiss edib. Səhər saat 5:00 radlərində Fial qaz kartına pul yükləmək üçün ona 1 manat verib və dükana getməyini xahiş edib. İlkin dükana gedən zaman Fialıda özü ilə çölə çıxarıb və evin qapısını bağlayıb. 

 

Marketə gedib 10-15 dəqiqə sonra evə qayıdarkən qapının açıq olduğunu görüb. İçəri daxil olan zaman Fialı yoldaşının üzərində görüb. Yaxınlaşıb onu qaldırıb sifətindən 3-4 dəfə şillə vurub. Bu vaxtı arvadı onları ayırmağa çalışıb. Əsəbləşən İlkin özündən asılı olmayaraq mətbəxdən götürdüyün bıçaqla Fialın sinəsinə zərbə endirib. 

 

Fial onun əlindən çıxaraq küçəyə qaçıb. Evdə İlkinin həyat yoldaşı ona Fialın iki gün əvvəl onu zorladığını deyib. Bundan əsəbləşən İlkin əlində bıçaqla çölə çıxan zaman Fialın yerdə yıxılıb qaldığını görüb. Sonra Əhmədov Fialın evinə gedib arvadına ərinin bıçaqladığını və evinin qarşısında yerdə uzanmış vəziyyətdə olduğunu deyib. 

 

Yoldan keçən yük maşınına yaralını mindirib xəstəxanaya aparıblar. Bir müddət sonra hadisə yerinə polis əməkdaşları gəlib. 

 

Məhkəmə nəticətə gəlib ki, İlkin Əhmədova cinayət məcəlləsinin 120.2.9-cü ( köməksiz vəziyyətdə olan adamı qəsdən öldürmə) maddəsi ilə elan edilmiş ittiham məhkəmə istintaqında tam sübuta yetirilməyib. 

 

Belə ki, sübutlarla müəyyən olunub ki, ailəvi dostluq münasibətində olan Fial İsmayılovun arvadı Aygün Nuriyevaya gözü qarşısında təcavüz etməsi təqsirləndirilən şəxsə sarsıntı yaşadıb və nəticədə o, bıçaqla zərərçəkmişə xəsarət yetirib. 

 

Məhkəmə hesab edib ki, İlkin Əhmədovun əməlini 120.1-ci (qəsdən adam öldürmə) maddəsi ilə tövsif edilməlidi.

 

Sonda məhkəmənin hökmü ilə İlkin Əhmədov 14 il müddətinə azadlıqdan məhrum edilmə cəzasına məhkum edilib. 

Loading...
Paylaş

Sizin reklam yeriniz     Ölçü: 600x100

+994702372227

Kriminal bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla