Rusiya Müdafiə Nazirliyi ilə “Vaqner” arasında münaqişə barədə xəbərlər informasiya spekulyasiyasının məhsuludur.

BUTA.TV xəbər verir ki, bunu Rusiya Prezidentinin sözçüsü Dmitri Peskov deyib.

Peskov bildirib ki, iddia edilən münaqişə əsasən informasiya məkanında mövcuddur:

“Konfliktlərə gəlincə, həmişə olduğu kimi, bunlar əsasən informasiya manipulyasiyalarının məhsullarıdır. Bunu bizim informasiya rəqiblərimiz təşkil edir, amma bəzən də dostlarımız özlərini elə aparırlar ki, düşmənə ehtiyac qalmır”.

O vurğulayıb ki, ölkə öz qəhrəmanlarını tanıyır:

“Həm hərbi qulluqçular, həm də “Vaqner” döyüşçüləri rus xalqının yaddaşında əbədi qalacaqlar".

Qeyd edək ki, yanvarın 13-də Soledarın tutulması ilə bağlı xəbərdə Rusiya Müdafiə Nazirliyi “Vaqner” döyüşçüləri barədə heç nə yazmamışdı. “Vaqner”in yaradıcısı Yevgeni Priqojin buna cavab olaraq bildirdi ki, həmişə onlardan qələbəni oğurlamağa çalışırlar. Bundan sonra Müdafiə Nazirliyi şəhərə basqın zamanı “Vaqner” döyüşçülərinin "cəsarətli və fədakar hərəkətlərindən" bəhs edən yeni press-reliz yaydı. Müharibə başlayandan bu tarixə qədər Müdafiə Nazirliyi mətbuata açıqlamasında heç vaxt “Vaqner”dən bəhs etməyib.

• Bu gün Bakıda mühüm addım atıldı - Nazir
• COP29-da tarixi qərar qəbul olundu
• COP29 Paris Sazişinin iki maddəsini qəbul etdi
• Azərbaycana rəsmi təşəkkür qətnamə layihəsi qəbul olundu
• İndi dünyanın gözü bizə fokuslanıb - Babayev
• QNET istifadəçisindən rekord: 51 yaşında 20 dəfə ardıcıl salto…
• COP29-un bağlanış plenar iclası keçirilir
• Brandon COP29-dan danışdı: Sərfəli olmayan razılaşmadansa...