14 iyun 2026-cı il tarixində keçiriləcək magistraturaya qəbul imtahanının ikinci cəhdində təkrar iştirak üçün qeydiyyat elan edilir.

Bu barədə BUTA.TV-a DİM-dən məlumat verilib.

Bildirilib ki, bakalavrların ərizə qəbulu 23 may saat 23:59-dək internet vasitəsilə aparılır.

İmtahan Bakı, Abşeron və Sumqayıt şəhərlərində keçiriləcək. Bu imtahanda 17 may tarixində keçirilmiş imtahan üçün qeydiyyatdan keçmiş bütün bakalavrlar iştirak edə bilərlər.

17 may tarixli imtahanda iştirak etmək üçün buraxılış vərəqəsini əldə etmiş, lakin əlverişsiz hava şəraiti ilə bağlı Bakı, Abşeron və Sumqayıtda imtahanda iştirak etməmiş bakalavrlar üçün bu imtahan ödənişsizdir. Digər bakalavrlar isə istədikləri təqdirdə müvafiq qaydada ödəniş etməklə imtahanda yenidən iştirak edə bilərlər.

Qəbul imtahanında 2 və ya 3 dəfə iştirak etmiş bakalavrlar ixtisaslaşma seçimi zamanı müsabiqə şərtlərini ödəyən ən yüksək nəticələrini seçə bilərlər.

• COP29 kimi WUF13 də uğurla təşkil edildi - Əliyev
• Azərbaycanda dövlət qurumlarından biri ləğv olundu
• Prezident Quterreşin müavinini qəbul etdi - Fotolar
• Buxarestdə Müstəqillik Günü ilə bağlı tədbir keçirildi
• III Çarlz Prezidentə məktub göndərdi
• Faktiki hava şəraiti açıqlandı
• “Səsiniz olaq” xidməti: artıq 650-dən çox şəxs faydalanıb
• "Liderlərin İnkişafı Proqramı" uğurla yekunlaşdı