Ermənistan Baş naziri Nikol Paşinyan ABŞ Prezidenti Donald Trampın Bakıda həbsdə olan Qarabağdakı keçmiş qondarma rejimin “dövlət naziri” Ruben Vardanyanla bağlı təklifini rədd edib.
BUTA.TV Globalinfo.az-a istinadla xəbər verir ki, bu barədə “Hraparak” qəzeti yazıb.
“Ruben Vardanyanın ailəsi və dostları onun azadlığa çıxması üçün əllərindən gələni edirlər. Nüfuzlu erməni fiqurları Trampın qızının əri ilə əlaqə saxlayıb, danışıqlar aparıblar. ABŞ lideri İrəvanın bu barədə təklifinə müdaxilə etməyə razılaşıb. Bu məsələ Ermənistanın ABŞ-dakı səfiri Lilit Makunts vasitəsilə Paşinyana çatdırılıb. Ağ Ev rəhbərinin rəsmi əsasının olması üçün sadəcə bir kağız parçası lazım idi, lakin rədd edilib”, - deyə nəşr bildirib.
“Hraparak” qeyd edib ki, Paşinyan belə bir sənədin Ermənistan–Azərbaycan sülh müqaviləsinin imzalanmasına mane olacağını vurğulayıb.
- Sabahın hava proqnozu açıqlandı
- Müdafiə naziri bu komandanlığa göstərişlər verdi - Video
- Emin Formula-1-i Bakının mərkəzindən köçürür
- Bakıda yeni marşrut xətti işə düşdü
- Bakıda güclü külək əsir – Faktiki hava
- Şamaxıda zəlzələ oldu
- Bu ərazilərdə fevralın 23-də qaz kəsiləcək
- Azərbaycanda kərə yağı istehsalı kəskin azaldı