Şahdağdan, Gədəbəydən, Naxçıvandan gəldiyi iddia edilən sular əslində filtrlənib bizə təqdim olunur. Əgər su, üzərində yazıldığı kimi, uzaq məsafədən gəlsəydi, qiyməti bu qədər ucuz olmazdı.

Bu fikirləri BUTA.TV-a açıqlamasında Xəzər Universitetinin Coğrafiya və ətraf mühit departamentinin müdiri, su məsələləri üzrə ekspert Rövşən Abbasov Bakıda satılan içməlu suyun keyfiyyəti haqda danışarkən deyib.

Ekspert bildirib ki, mineral suyun tərkibində minerallar olduğu üçün dadı olmalıdır:

“Təbii suda isə minerallar olmur. Adi sular təmizlənmiş su hesab olunur. Vətəndaşlar üçün tövsiyə olunan su rəngi, iyi və dadı olmayan, bioloji oksigen səviyyəsi normal, pH səviyyəsi 6-8 arasında dəyişən sulardır. Bu sular içiləndə insan sağlamlığına heç bir ziyan vurmur”.

R.Abbasov qeyd edib ki, ”Bonaqua” suyu haradansa gətirdiyini iddia etmir:

“Üzərində “filtrdən keçmiş su” yazısı var və suyu filtrdən keçirib satdığını təsdiqləyir. Buna görə də mən “Bonaqua” suyuna üstünlük verirəm. Şirkətlərə də tövsiyə edərdim ki, həqiqəti yazsınlar, alıcını aldatmasınlar”.

• MTK vətəndaşların evini sökdü, kompensasiya da vermir - Video
• Xüsusi əməliyyatla Bakıya gətirilən şəxslər həbs edildi
• Bakıda 30 il öncə törədilən qətlin təfərrüatları... - Video
• Tramp marşrutu: Bakı və Vaşinqton texniki danışıqlara başladı
• Sahil Babayev bu federasiyanın prezidenti seçildi
• "Son zəng"lə bağlı tələblər qoyuldu
• ADY sədri DYƏT-in iclasında iştirak etdi
• Balakişi Qasımovun səlahiyyət müddəti bitdi