“Azov” komandirlərinin azad edilməsi Rusiya cəmiyyətində parçalanmaya səbəb olub. Rusiyanın ultra-millətçi icması Kremli Ukrayna əsgərlərini saxlamaq üçün Türkiyəyə etibar etməkdə ittiham edir.

BUTA.TV xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.

Məlumata görə, rusiyalı blogerlərdən biri “Azov” müdafiəçilərinin azad edilməsinin Rusiyanın Ukraynanı “deazifikasiya” məqsədinə xələl gətirdiyinə işarə edib:

“Digəri isə Kremlin “tarixi düşməni” Türkiyəyə sövdələşməni yerinə yetirmək üçün etibar etməməli olduğunu bildirib. Rusiya media məkanında isə Kremlin 2022-ci ildə Viktor Medvedçukun azovçularla dəyişdirilməsi qınanılıb. “Azov” komandirlərinin azad edilməsi xəbəri ön cəbhədəki Rusiya hərbçilərinin əhval-ruhiyyəsinə də ciddi təsir göstərib. Bu hadisə Rusiya-Ukrayna müharibəsi başlayandan bəri rus cəmiyyətini parçalayan çoxsaylı hadisələrdən biridir”.

Qeyd edək ki, Türkiyədən səfərdən qayıdan Ukrayna lideri Vladimir Zelenski “Azov” batalyonunun 5 komandirini də özü ilə aparıb. Kreml sözçüsü Dmitri Peskov isə bunu razılaşmaların pozulması adlandırıb. Belə ki, razılaşmaya əsasən, Rusiya əsirliyindən azad edilən “Azov” komandirləri münaqişənin sonuna qədər Türkiyədə qalmalı idi.

• MTK vətəndaşların evini sökdü, kompensasiya da vermir - Video
• Xüsusi əməliyyatla Bakıya gətirilən şəxslər həbs edildi
• Bakıda 30 il öncə törədilən qətlin təfərrüatları... - Video
• Tramp marşrutu: Bakı və Vaşinqton texniki danışıqlara başladı
• Sahil Babayev bu federasiyanın prezidenti seçildi
• "Son zəng"lə bağlı tələblər qoyuldu
• ADY sədri DYƏT-in iclasında iştirak etdi
• Balakişi Qasımovun səlahiyyət müddəti bitdi