Təbriz, Üskü və Tufarqan şəhərlərinin İran parlamentindəki nümayəndəsi Ruhullah Mütəfəkkir Azad Milli Məclisin üzvü Razi Nurullayev və Naqif Həmzəyevi terrorizmi dəstəkləməkdə ittiham edib.

BUTA.TV xəbər verir ki, o, bu barədə özünün Tvitter hesabında yazıb.

“Bakı parlamenti”nin (İranlı Azərbaycan Respublikasını aşağılamaq üçün bu ifadədən istifadə edib – red.) iki deputatının münafiqlərin (oxu: Xalq Mücahidləri Təşkilatı), terror qruplaşmasının iclasında həyasızcasına iştirakı terrora açıq dəstəkdir. Avropa və amerikalıların münafiqlərə dəstək verməkdən çəkindiyi bir vaxtda bu millət vəkillərinin belə bir axmaqlığı sionistlərlə münasibətlərin nəticəsidir”,- iranlı nümayəndə bildirib.

Qeyd edək ki, hakimiyyətin mühafizəkar qanadına mənsub olan Ruhullah Mütəfəkkir Azad bundan əvvəl də müxtəlif məsələlərlə bağlı Azərbaycan Respublikasına qarşı çıxışlar edib.

Xatırladaq ki, İran Xalq Mücahidlərinin iyulun 1-də Parisdə baş tutan toplantısında dünyanın bir sıra siyasətçiləri ilə yanaşı, Milli Məclisin üzvləri də iştirak edib. İran mediası, xüsusilə SEPAH-a yaxın mətbuat orqanları və “Səhər” televiziyası da azərbaycanlı millət vəkillərinin İran Milli Müqavimət Şurasının təşəbbüsü ilə Parisdə keçirilən "Azad İran - 2023" beynəlxalq konfransında iştiraklarını geniş müzakirəyə çıxarıblar.

• Bakıda 30 il öncə törədilən qətlin təfərrüatları... - Video
• Tramp marşrutu: Bakı və Vaşinqton texniki danışıqlara başladı
• Sahil Babayev bu federasiyanın prezidenti seçildi
• "Son zəng"lə bağlı tələblər qoyuldu
• ADY sədri DYƏT-in iclasında iştirak etdi
• Balakişi Qasımovun səlahiyyət müddəti bitdi
• Bulvarda Caz və Şərab Festivalı başlayır - Foto
• Bakıda yanğın olan məktəbdə qəfil yoxlama aparıldı