Bu gün Macarıstanın paytaxtı Budapeştdə Türk Dövlətləri Təşkilatının (TDT) Dövlət Başçılarının qeyri-rəsmi zirvə toplantısı keçiriləcək.
BUTA.TV Teleqraf-a istinadla xəbər verir ki, zirvədə Azərbaycan Prezidenti İlham Əliyev də iştirak edəcək.
Macarıstan Baş naziri Viktor Orbanın sədrlik edəcəyi sammitdə Azərbaycanla yanaşı, TDT-yə üzv digər dövlətlərin - Qazaxıstan, Qırğızıstan, Türkiyə və Özbəkistanın prezidentləri iştirak edəcək. Bundan əlavə, TDT-nin müşahidəçi dövlətlərinin (Türkmənistan, Macarıstan, Şimali Kipr Türk Respublikası) nümayəndələri və təşkilatın baş katibi də sammitə qatılacaq.
TDT tarixində ilk dəfə təşkilatın sammiti müşahidəçi dövlət tərəfindən keçiriləcək. Bu, Macarıstanın türk dövlətləri ilə hərtərəfli əməkdaşlığın qətiyyətlə dərinləşdirilməsində artan rolunu vurğulayır.
“Şərq və Qərbin Görüş Nöqtəsi” mövzusu altında keçiriləcək qeyri-rəsmi zirvə dövlət başçılarına prioritet sahələrdə əməkdaşlığı inkişaf etdirmək, regional və qlobal miqyasda ümumi məsələlərin müzakirəsi baxımından mühüm imkan yaradacaq.
Zirvə toplantısının sonunda Türk Dövlətləri Təşkilatının ortaq və strateji baxışını təsdiq edən Budapeşt Bəyannaməsinin qəbul edilməsi, müxtəlif mühüm qərarların və təşəbbüslərin ictimaiyyətlə paylaşılması nəzərdə tutulur.
- “Bazarstore” növbəti “Möhtəşəm 5 Gün” kampaniyasına başlayır
- Bakıda 3 min ev su kollektorunun üzərində tikilib
- Quba-Qonaqkənd yolunda sürüşmə oldu - Foto
- Səmada 34 il: AZAL yaranma tarixini qeyd edir
- İtkin düşən 74 yaşlı kişinin meyiti meşədə tapıldı
- 19 yaşlı qızı qaçıran qardaşlar saxlanıldı
- İnsan Yerdən ilk dəfə bu qədər məsafədə uzaqlaşdı
- Un istehsalçılarının topdansatış qiymətləri açıqlandı