Ermənistanın Xarici İşlər Nazirliyi Rusiya Prezidentinin köməkçisi Yuri Uşakovun Ermənistan hakimiyyətinin xahişi ilə Aİİ (Avrasiya İqtisadi İttifaqı) iclasının İrəvanda deyil, Sankt-Peterburqda keçiriləcəyi ilə bağlı bəyanatına münasibət bildirib.

BUTA.TV xəbər verir ki, Ermənistan XİN Uşakovun açıqlamasını təkzib edib.

“Avrasiya İqtisadi İttifaqının (Aİİ) mövcud qaydalarına görə, sədrlik edən üzv dövlətin ərazisində Aİİ iclasının keçirilməsi məcburi qaydada nəzərdə tutulmayıb. Beləliklə, növbəti Aİİ iclasının vaxtı və keçirilmə yeri əvvəlki iclasda qərarlaşdırılır. 8 may 2024-cü il tarixində Moskva şəhərində keçirilmiş Aİİ iclası zamanı üzv ölkələrin rəhbərləri tərəfindən cari ilin dekabr ayında növbəti iclasın Sankt-Peterburqda keçirilməsi qərarı qəbul edilib”, - XİN-in ibəyanatında qeyd edilib.

Xatırladaq ki, Yuri Uşakov Avrasiya İqtisadi Şurasının sessiyasının Avrasiya İqtisadi İttifaqına sədrlik edən Ermənistanın xahişi ilə dekabrın 25-də Sankt-Peterburqda keçiriləcəyini açıqlamışdı.

• Azərbaycanda çiyələyə zəhərli maddələr qatılır? - Video
• Yağış sularının kənarlaşdırılması işləri davam etdirilir - Video
• Gürcüstanda 2026-cı il "Aşıq Hüseyn Saraçlı ili" elan edildi
• Azərbaycanda imtahan sistemi dəyişir? - Nazir açıqladı
• AYNA taksilərlə bağlı yayılan məlumatlara aydınlıq gətirdi
• Azər Məmmədov Laçında vətəndaşlarla görüşdü
• Türkiyə İrana 48 ton humanitar yardım göndərdi
• XTQ-nin döyüş hazırlığı yoxlanıldı