Alimlər uzunmüddətli tənhalığın yaşlılarda insult riskini artıra biləcəyini aşkarlayıblar.

BUTA.TV Anadolu Agentliyinə istinadla xəbər verir ki, bununla bağlı Harvard Universitetinin Xalq Sağlamlığı Departamentinin tədqiqatçıları araşdırma aparıblar.

Miçiqan Universiteti Sosial Araşdırmalar İnstitutunun apardığı tədqiqatın ilk mərhələsində heç vaxt insult keçirməmiş 50 və daha yuxarı yaşda olan 12161 insana insult riskini ölçmək üçün suallar verilib. 4 il sonra araşdırmanın ikinci mərhələsində 8936 nəfərin ötən dövrdə insult keçirib-keçməmələri ilə bağlı məlumatlar toplanıb.

Tədqiqatçılar iştirakçıları tənhalıq səviyyələrinə görə 4 qrupa ayıraraq son 4 ildə insult keçirmiş yaşlılar haqqında məlumatları müqayisə ediblər.

Onlar uzunmüddətli tənhalıq səbəbi ilə “xroniki tənhalıq yaşayanlar” qrupunda olanların insult keçirmə nisbətinin yalnızlıq səviyyəsi aşağı olanlara nisbətən 56 faiz daha yüksək olduğunu müəyyənləşdiriblər. Alimlər bu nəticələrin işığında uzunmüddətli təkliyin yaşlılarda “insult ehtimalını artıran risk faktoru” ola biləcəyi qənaətinə gəliblər.

Araşdırmanın nəticəsi “eClinicalMedicine” jurnalında dərc olunub.

• MTK vətəndaşların evini sökdü, kompensasiya da vermir - Video
• Xüsusi əməliyyatla Bakıya gətirilən şəxslər həbs edildi
• Bakıda 30 il öncə törədilən qətlin təfərrüatları... - Video
• Tramp marşrutu: Bakı və Vaşinqton texniki danışıqlara başladı
• Sahil Babayev bu federasiyanın prezidenti seçildi
• "Son zəng"lə bağlı tələblər qoyuldu
• ADY sədri DYƏT-in iclasında iştirak etdi
• Balakişi Qasımovun səlahiyyət müddəti bitdi