Xəbər verdiyimiz kimi, artıq Milli Məclis parlament seçkilərinin 2 ay irəli çəkilməsi ilə bağlı Prezident İlham Əliyevə müraciət edib. Seçkilərin sentyabrın ilk ongünlüyündə keçiriləcəyi gözlənilir.

BUTA.TV xəbər verir ki, bir neçə partiya - VHP, ƏHD, Böyük Quruluş Partiyası seçki prosesinə hazır olduqlarını, hüquqi proseduru gözlədiklərini elan ediblər.

Respublikaçı Alternativ Partiyasından (Real) bildirilib ki, seçki prosesinə ötən ilin dekabrından hazırlaşırlar. Artıq 13 namizəd təsdiqlənib, bir neçə namizəd isə bu həftə ərzində təsdiqlənəcək.

Ümid Partiyası da ilkin siyahının müəyyənləşməsi üçün hazırlıqlara start verib. Saytımıza açıqlamada qeyd edilib ki, hazırda 75 nəfərin namizədliyinin irəli sürülməsi ilə bağlı ilkin razılıq var ki, onlardan 60-nın seçki dairəsi müəyyənləşib.

Ana Vətən Partiyasında namizədlərin siyahısı iyul ayının 20-dək təsdiqlənəcək.

Ədalət Partiyası, Böyük Azərbaycan Partiyası, AĞ Partiyadan da seçkilərdə iştirak üçün ilkin hazırlıqlara başlanıldığı vurğulanıb.

Müsavat Partiyası isə sorğumuza cavab verməyib.

• MTK vətəndaşların evini sökdü, kompensasiya da vermir - Video
• Xüsusi əməliyyatla Bakıya gətirilən şəxslər həbs edildi
• Bakıda 30 il öncə törədilən qətlin təfərrüatları... - Video
• Tramp marşrutu: Bakı və Vaşinqton texniki danışıqlara başladı
• Sahil Babayev bu federasiyanın prezidenti seçildi
• "Son zəng"lə bağlı tələblər qoyuldu
• ADY sədri DYƏT-in iclasında iştirak etdi
• Balakişi Qasımovun səlahiyyət müddəti bitdi