Bu gün hökumət elan edir ki, kəndlər Ermənistanın ərazisinə daxil deyil, onları qaytarmaq lazımdır. Biz bu barədə əvvəldən bilirdik, bu gün də bilirik ki, kəndlər Ermənistana məxsus deyil.

BUTA.TV xəbər verir ki, bunu işğal altında olan Əskipara (Voskepar) kəndinin erməni sakini Seryoja Aleksanyan “Azadlıq” radiosuna açıqlamasında deyib.

“Hakimiyyət İrəvanda oturub qərarlar qəbul edir. Mən yaxşı bilirəm kəndlər bizə məxsus deyil. Bunu 1990-cı illərdə də bilirdik”, - sakin bildirib.

O qeyd edib ki, sərhədyanı kəndlərin əhalisinə sülh daha çox lazımdır, amma bu, sülh deyil:

“Hakimiyyət istəyir ki, biz düşmənin nişangahı altında yaşayaq. Bu, bizim üçün alçaldıcıdır. Bundan sonra heç kim kənddə rahat yaşaya bilməz”.

O, həmçinin Azərbaycanın kimi ittiham edəcəyini heç kimin bilmədiyini də deyib:

“Ola bilsin mən də həmin şəxslərin sırasındayam. Həmin illərdə azərbaycanlılar bizim üçün təhlükə idi. Kəndlilər Bağanisin təhlükəsizlik məsələsini bir neçə ov tüfəngi ilə həll etdilər. Bağanis Ayrım Azərbaycana qaytarıldıqda başımıza nələrin gələcəyini təsəvvür edirik. Fikrimcə, Azərbaycan Silahlı Qüvvələri əllərində axtarılan şəxslərin siyahısı ilə kəndə daxil olsalar, kənd sakinlərinin əksəriyyəti həbsxanaya düşəcək”.

• Bu şəhərdə qaz kəsiləcək
• Bakı əhalisinə pis xəbər - Video
• Bakıda 2 milyonluq xəstəxana tikiləcək
• Bu tarixdən Xəzərdə balıq ovu tam dayandırılır
• Sürücülərə xəbərdarlıq!
• Azərbaycanda "PubG" qadağan edilsə də... - Mütəxəssis
• 1 milyonluq mənimsəmə: Abbasovun bu tələbi rədd olundu
• Bakı metrosunda insident: qurum itkilərini açıqladı - Rəqəm