Biz KTMT-nin üzvüyük, düşmən sərhədlərimizi zəbt etdi, KTMT heç bir reaksiya vermədi.
BUTA.TV xəbər verir ki, bu sözləri hakim “Mülki müqavilə” partiyasından olan deputat Qagik Melkonyan erməni mediasına açıqlamasında deyib.
O bildirib ki, 2021-ci ilin mayında KTMT ilə əlaqə saxlayıblar:
“Dedilər ki, ərizəni səhv formada vermisiniz, forma-4-ə uyğun müraciət etməlisiniz, amma sizdə forma-2-dir. Sonra heç nə etmədilər, dedilər ki, biz sizin sərhədlərinizin haradan keçdiyini bilmirik.
İndi isə müşahidəçi göndərə biləcəklərini deyirlər. Maraqlıdır, əgər o müşahidəçilər gəlsə, harda dayanacaqlar? Axı onlar bizim sərhədimizin harda olduğunu bilmir? Harda dayanacaqlar, İrəvanda?”
Bu halda niyə Ermənistanın hələ də KTMT-də qaldığı barədə sualı isə Melkonyan bu cür cavablandırıb:
“O an gələcək ki, hər şey aydınlaşacaq, nəyin nə olduğunu anlayacağıq. Rusiya qorxur ki, Ermənistan KTMT-dən çıxsa, növbəti Qazaxıstan olacaq, o, dərhal çıxacaq. Yəni bu blok dağılacaq. Onlar göstərmək istəyirlər ki, onların yanında duran ölkələr var, amma onların yanında duran bütün dövlətlər qul statusundadır. Onlar siyasəti və iqtisadiyyatı diktə edirlər. Və eyni zamanda KTMT-nin qalmasını istəyirlər”.
Deputat deyib ki, ötən ilin noyabrında İrəvan KTMT qarşısında Azərbaycanı təcavüzkar kimi tanıyıb-tanımadığı barədə sual qaldırıb:
“İndiyə qədər cavab yoxdur. Amma onlar görəndə ki, biz KTMT-də maraqlı deyilik, alternativimiz var, başqa dövlətlərlə əməkdaşlıq edirik, təşvişə düşüblər”.
- Şəhid Müşfiq Abbasovun məzarı doğulduğu kəndə köçürüldü - Foto
- Bakının bu məntəqələri arasında xüsusi avtobuslar olacaq
- Bu ərazilərdə parklanma məhdudiyyəti tətbiq olunacaq - Video
- Hərbçilərimiz Kəlbəcərdə minaya düşdü
- Prezidentimizlə görüşdə bunu demək istəyirdim - Şəhid atası
- Sabahdan bu ərazilərdə parklanma məhdudiyyəti tətbiq olunacaq - Video
- “Belə insanlarla mədəniyyətdən danışmaq olmaz” - Makron özündən çıxdı
- 20 günün əsgəri vəfat etdi