Polşa hökuməti Ermənistanın ərazi bütövlüyünü və suverenliyini dəstəklədiyini açıqlayıb.
BUTA.TV xəbər verir ki, bu barədə Polşanın Ermənistandakı səfiri Pyotr Skveçinski erməni jurnalistlərə açıqlamasında deyib.
O bildirib ki, Polşa ermənilərin beynəlxalq səviyyədə tanınmış ərazisi daxilində sülh şəraitində yaşamalarını istəyir:
“Polşa Ermənistanın ərazi bütövlüyünü və suverenliyini dəstəkləyir. Qeyd etməliyəm ki, Polşa bu ilin sentyabrında faciəli günlərdə maliyyə və maddi dəstək göstərən ilk ölkələrdəndir. Biz istəyirik ki, Ermənistanda sülh olsun və ermənilər beynəlxalq səviyyədə tanınmış ərazilərdə dinc yaşasənlar”.
O vurğulayıb ki, “beynəlxalq səviyyədə tanınmış ərazi” dedikdə Qarabağı nəzərdə tutmur:
“Çünki bu ərazi heç vaxt Ermənistanın ərazisi sayılmayıb”.
Ermənistanın ərazi bütövlüyü, öz sərhədləri daxilində suverenliyi və s. ilə bağlı dünya ölkələrinin açıqlamaları vaxtaşırı olaraq səslənir. Xatırladaq ki, tam 30 il ərzində Azərbaycan mediası ölkəmizin ərazi bütövlüyünə dəstək bəyanatlarını manşetlərə daşıyırdı, Ermənistan isə sərhədlərindən çox-çox kənara çıxmışdı və ərazilərimizə iddia edirdi. Hətta Türkiyə (Ağrı), o cümlədən Gürcüstana da (Cavaxetiya) ərazi iddiaları səsləndirirdi.
Azərbaycan Ordusu və Ali Baş Komandan İlham Əliyev Ermənistanı öz sərhədlərinə sıxışdırıb: indi Ermənistan “öz sərhədləri daxilində dinc yaşamağın yollarını” axtarır…
- Lökbatanda yanğın: "Birmarket"ə məxsus anbara da zərər dəydi
- Keçidlərdə eskalator və liftlər yenilənir
- Temperatur 31 dərəcəyə yüksələcək
- Azərbaycanda orta aylıq əmək haqqı 1100 manatı ötdü
- Bu kəndlərin adı dəyişir - I oxunuş
- Lökbatandakı yanğına 150 ton su istifadə edilib
- Xocavənd rayonuna daha 18 ailə yola salındı
- General Milli Məclisdə hesabat verir