Qərb liderləri Qəzza zolağında “təslim olmağa” və Ukraynanın iki yerə bölünməsinə hazırdırlar.
BUTA.TV xəbər verir ki, bu iddianı “Teleqraf” nəşrinin köşə yazarı, London Kral Kollecinin professoru Kon Koflin yazıb.
Ekspertin fikrincə, israillilər HƏMAS-ın infrastrukturunu dağıtmağa nail olsalar belə, bunu yenə də qələbə hesab etmək olmaz, çünki ABŞ Prezidenti Co Bayden artıq Qəzza zolağının “yenidən işğalının” əleyhinə olduğunu bəyan edir:
“Ukraynaya gəlincə, döyüş meydanında dalan vəziyyəti Atlantik okeanının hər iki tərəfindəki siyasətçiləri münaqişənin diplomatik yolla nizamlanması üçün səylər göstərməyə məcbur edir. Məsələn, Berlində Ukraynanın iki yerə bölünməsi ilə razılaşırlar. Rusiyaya bağlı şərq əraziləri rəsmən Rusiyaya verilməli, qalan hissədə isə Ukrayna dövlətçiliyinin qorunub saxlanması təmin olunmalı və onun Avropa Birliyinə daxil olmasına icazə verilməlidir. Oxşar fikirlər Vaşinqton və Parisdə də səslənməyə başlayıb.
Üstəlik, Qəzzada müharibə nə qədər uzansa, Ukrayna münaqişəsinə son qoyulması məsələsi bir o qədər ciddiləşəcək. Qərb birdən çox beynəlxalq böhranla məşğul ola bilməz və bu iki böhrandan birinə ən qısa müddətdə son qoymalıdır”.
- Lökbatanda yanğın: "Birmarket"ə məxsus anbara da zərər dəydi
- Keçidlərdə eskalator və liftlər yenilənir
- Temperatur 31 dərəcəyə yüksələcək
- Azərbaycanda orta aylıq əmək haqqı 1100 manatı ötdü
- Bu kəndlərin adı dəyişir - I oxunuş
- Lökbatandakı yanğına 150 ton su istifadə edilib
- Xocavənd rayonuna daha 18 ailə yola salındı
- General Milli Məclisdə hesabat verir