Müdafiə naziri general-polkovnik Zakir Həsənovun təsdiq etdiyi plana əsasən, Azərbaycan Ordusunda 12 Noyabr - Konstitusiya Günü münasibətilə silsilə tədbirlər keçirilib.
Bu barədə BUTA.TV-a Müdafiə Nazirliyindən bildirilib.
Tədbirlərdə əvvəlcə Ümummilli Lider Heydər Əliyevin və Azərbaycanın ərazi bütövlüyü, müstəqilliyi uğrunda şəhid olan Vətən övladlarının xatirəsi bir dəqiqəlik sükutla yad edilib, Dövlət Himni ifa olunub.
Çıxış edənlər müstəqilliyin bərpasından sonra Ulu Öndər Heydər Əliyevin rəhbərliyi ilə hazırlanan yeni konstitusiyamızın qəbul edilməsinin tarixi əhəmiyyətindən ətraflı danışaraq bildiriblər ki, Ümummilli Liderin 6 fevral 1996-cı il sərəncamı ilə noyabrın 12-si Konstitusiya Günü elan edilib. Qəbul edilməsindən 28 il ötən, 5 bölmə, 12 fəsil və 158 maddədən ibarət Konstitusiyaya 2002, 2009 və 2016-cı illərdə referendum yolu ilə əlavə və dəyişikliklər edilmişdir.
Qeyd olunub ki, Müzəffər Ali Baş Komandan cənab İlham Əliyevin qətiyyətli iradəsi və uzaqgörən siyasəti sayəsində işğala son qoyularaq, ərazi bütövlüyümüz təmin edildikdən sonra respulikamızın bütün bölgələrində Konstitusiya quruluşu bərpa edilib. Bu gün Konstitusiya Günümüz ölkəmizin hər bir yerində böyük qürur və iftixar hissi ilə qeyd olunub.
- Moskvadan kənarda görüş üçün şərt irəli sürdü
- Bu şəxslərin vərəsələrinə 4 misli müavinət veriləcək
- Hərbi xidmətə çağırılan diplomatlar üçün yeni müavinət...
- İngiltərədə yaşayan azərbaycanlı qadın qəfil öldü
- Əli Əsədov yeni qərar imzaladı
- Lökbatanda yanğın: "Birmarket"ə məxsus anbara da zərər dəydi
- Keçidlərdə eskalator və liftlər yenilənir
- Temperatur 31 dərəcəyə yüksələcək