Bu gün Türkiyənin xarici işlər naziri Hakan Fidan Avropa Birliyi (AB) ölkələrinin Ankaradakı diplomatik nümayəndələri və səfirləri ilə görüşüb.
BUTA.TV xəbər verir ki, görüşdə AB-nin Türkiyədəki nümayəndə heyətinin rəhbəri Nikolaus Meyer-Landrut və birliyə üzv ölkələrin Ankaradakı səfirləri iştirak ediblər.
Tədbirdə çıxış edən Hakan Fidan münasibətlərin yenidən canlandırılmasında Türkiyənin AB-yə üzvlük prosesinin, Gömrük İttifaqının yenilənməsi və viza sərbəstliyi məsələlərinin Ankara üçün prioritet olduğunu deyib. Türkiyənin bu məsələlərdə qətiyyətini qeyd edən nazir AB-nin verdiyi müsbət mesajların həyata keçirilməsinə ehtiyac olduğunu xatırladıb.
Görüş zamanı qanunsuz miqrasiya, terrorla mübarizə, Türkiyə-AB münasibətləri, İsrail-Fələstin münaqişəsi, bölgədəki vəziyyət, həmçinin Rusiya-Ukrayna qarşıdurması kimi aktual məsələlər də gündəmə gətirilib.
- Bu xəbərlərə də göz at
- Çin metanla uçan raketlə orbitə üç peyk buraxdı
- Britaniyadan İran rəsmilərinə sanksiya
- 654-cü gün: Rusiya Ukraynanın itkilərini açıqladı
- ABŞ-dan İranla bağlı xəbərdarlıq: Tədbirlər görəcəyik!
- Səfir COP29 barədə danışdı: Bakının böyük təcrübəsi var
- Əmininin ailəsinin ölkədən çıxışına qadağa qoyuldu