"Bizim bəzi müğənnilərimiz düşük, təlxək, yaltaq, yüngüldürlər, 5 manat artıq pul versinlər, görün nə hoqqadan çıxırlar".

Bu fikirləri bəzi sənətçi həmkarlarının yolverilməz davranışlarından danışan opera müğənnisi Ülvi Qılınc açıqlamasında deyib. O, səsləndirdiyi qalmaqallı fikirləri ilə şou-biznes aləmində sükutu pozub:

"Bizim bəzi müğənnilər düşük, təlxək, yaltaq, yüngüldürlər, 5 manat artıq pul versinlər, görün nə hoqqadan çıxırlar. Onları stolun üstünə çıxarıb rəqs etdirirlər, stolun altında oynadırlar. Özüm dəfələrlə bunun şahidi olmuşam.

Xalq artistləri olub ki, dalına bir təpik vurublar. Bir bağ var idi, bütün müğənniləri o bağa yığıb, istədikləri kimi oynadıblar, hətta yerə uzadıblar. Deyiblər, "müəllim" belə istəyir. Aralarında Xalq artistləri də olub.

Təəssüf ki, bu gün sənət aləmini o biri aləmlə - Amsterdamın bir küçəsi var e, ora ilə qarışdırıblar. Ona görə də bu müğənnilərin hörməti olmur. Nə qədər ki həqiqi sənətkarlar ortaya çıxmayacaq, müğənnilərə də hörmətlə yanaşmayacaqlar".

• Bu xəbərlərə də göz at
• İrəvanda sorğu: Ermənistan Azərbaycanın tərkibinə daxil olacaq – Video
• Tehranda türk adları ilə bağlı - Qadağa
• Bakı ilə Ankara bölgədə elə imkanlar irəli sürür ki... - Ekspert
• Türkiyənin müdafiə naziri iranlı səfirlə görüşdü
• Bakıda bank sistemində problem: kartlarla ödəniş dayandı
• Ukrayna istəyir təslim olaq, lakin belə şərtlərlə... - Rusiya XİN