İpək Yolundan Azərbaycanı silən bir məfhuma millətimiz birinci turda yer vermədi. Boraltan Körpüsündə (Stalinin tələbi ilə Türkiyənin azərbaycanlı mühacirləri SSRİ-yə təhvil verdiyi və onların böyük əksəriyyətinin elə oradaca güllələndiyi yer - red.) kədərə səbəb olan zehniyyətin davamına millətimiz “dur” dedi.

BUTA.TV xəbər verir ki, bu sözləri Türkiyənin vitse-prezidenti Fuad Oqtay deyib.

“Azərbaycan Cümhuriyyətinin qurucusu və ilk dövlət başçısı Məhəmməd Əmin Rəsulzadənin dediyi kimi, “Bir kərə yüksələn bayraq bir daha enməz”, enməyəcək. Cənnətməkan Heydər Əliyevin atdığı təməllər üzərində, Prezident İlham Əliyevin liderliyi ilə bu bayraq daha ucalara qaldırılacaq”, - deyə F.Oqtay bildirib.