Özünü demokratiyanın atası elan edən Paşinyan komandası daxilində “37-lik” ab-havasını yaradıb. O, partiya yoldaşlarına göstərişlər verir, kimin nə deyəcəyini özü müəyyənləşdirir.

BUTA.TV xəbər verir ki, bu barədə “Hraparak” qəzeti məlumat yayıb.

“Mülki müqavilə” partiyasının iclasında deputatlara ciddi tapşırıqlar verilib ki, jurnalistlərdən mümkün qədər çəkinsinlər: birincisi, Aşot Paşinyanın oğurlanması barədə sussunlar, ikincisi, Paşinyanın mətbuat konfransında səsləndirdiyi bəyanatlar, xüsusən də Qarabağın Azərbaycanın bir hissəsi kimi tanınması məsələsini şərh etməsinlər. Bu münasibətlə deputatlara yalnız rəhbərlərinin fikirlərini bölüşdüklərini söyləmək tapşırılıb.

Dünən ilk olaraq Ermənistan parlamentinin spikeri Simonyan dərsini yaxşı öyrəndiyini nümayiş etdirib. Bəzi müxalifət deputatları tribunadan Paşinyanın bəyanatlarını pisləyəndə və Qarabağla bağlı təcili müzakirəyə başlamağı tələb etdikdə, o, Baş nazirin bəyanatlarını tamamilə bölüşdüyünü deyib, daha sonra isə jurnalistlərin suallarını cavablandırmaqdan imtina edib”, - xəbərdə qeyd edib.

• DİM gecikənlərin imtana buraxıldığını desə də, onlar təkzib edir - Fotolar
• Gecikən şəxslərin imtahanda iştirakı təmin olunub - DİM
• Bakıda güclü yağış: FHN tədbirlər həyata keçirir
• Bakıya yağan yağıntının miqdarı... – Faktiki hava
• Prezident Məryəm Nəvaz Şərifi qəbul etdi - Fotolar
• FHN intensiv yağışla bağlı tədbirlər həyata keçirir
• WUF13 başladı - Fotolar
• 23 mindən çox bakalavr magistraturaya qəbul imtahanı verəcək