Hazırda Naxçıvan Muxtar Respublikasında 476 nəfər vərəm xəstəliyi ilə mübarizə aparır.
BUTA.TV xəbər verir ki, bunu Naxçıvan Muxtar Respublikası Ağciyər Xəstəlikləri Dispanserinin baş həkimi Günay Quliyeva Report-a açıqlamasında deyib.
O, qeyd edib ki, hazırda dispanserdə qeydiyyatda olan xəstələrdən 70 xəstə dərman müalicəsindədir. Xəstələr hər ay dispanserdə müayinələrdən keçdikdən sonra dərmanlarla təchiz olunurlar: “Hər il yaz-payız aylarında dispanser tərəfindən Naxçıvan şəhər, Babək, Kəngərli və Şahbuz rayonlarının tam orta məktəblərinin 9-11-ci siniflərinin şagirdləri arasında filioqrafik müayinələr aparılır. Müayinələr zamanı xəstəliyi aşkar edilmiş şagirdlər Ağciyər Xəstəlikləri Dispanserinə dəvət olunur, ətraflı müayinələrdən sonra ehtiyac olunanlara müalicə təyin edilir”.
Qeyd edək ki, bu gün Ümumdünya Vərəmlə Mübarizə Günüdür. Hər gün minlərlə insanın bu xəstəlikdən dünyasının dəyişməsi xəstəliklə müalicəyə daha ciddi yanaşmağı tələb edir. Ümumdünya Səhiyyə Təşkilatının məlumatına görə, hər gün dünyada vərəm xəstəliyindən 4 min 400 nəfər həyatını itirir, 30 min nəfər isə xəstəliyə yoluxur.
Müəyyən qədər gecikən şəxslərin imtahanda iştirakı təmin olunub - DİM
- Məktəblərdə tətil başladı
- Çempionluğu qeyd etməyə “Çırpınırdı Qara dəniz”lə çıxdı - Video
- 14 yaşında ulduz oldu, ölkəsindən qovuldu - Şillə qalmaqalında adı hallanan aktrisa kimdir? - Fotolar
- Bakının 7 rayonundan tədris onlayn olacaq - Sabahdan
- İrandan ABŞ-yə sərt xəbərdarlıq
- 14 dəfə əməliyyat olunsa da, imtahandan yüksək bal topladı - Video
- Kuboku almağa rəqs edərək getdilər - Video
- Polislər bu gün yollarda… - Video