Şimali Koreya Yapon dənizinə ballistik raket atdı
Şimali Koreya ballistik raket olduğu güman edilən raket buraxıb.
BUTA.TV xəbər verir ki, bu barədə Yaponiya Sahil Mühafizəsi məlumat yayıb.
Məlumata görə, raket Yapon dənizinə düşüb.
Sahil Mühafizəsi Yaponiyanın patrul gəmilərini bölgədəki gəmiləri sursat parçaları tapdıqda onlara yaxınlaşmamağa və dərhal rəsmilərlə əlaqə saxlamağa çağırıb.
Qeyd edək ki, Şimali Koreya martın 17-də də “Hvason-17” seriyalı qitələrarası ballistik raketi uğurla sınaqdan keçirib. Raketin buraxılışına Şimali Koreya lideri Kim Çen İn rəhbərlik edib.
