Ermənistanın xarici işlər naziri Ararat Mirzoyana BMT-nin Qaçqınlar üzrə Ali Komissarlığı ilə ermənilərin Qarabağ ərazilərinə, eləcə də onlara bitişik rayonlara qaytarılması ilə bağlı danışıqlara başlamaq tapşırılıb.

BUTA.TV xəbər verir ki, bunu Baş nazir Nikol Paşinyan hökumətin iclasında deyib.

“Bunun üçün mexanizmlərdən istifadə edilməlidir və mən xarici işlər nazirinə tapşırdım ki, onlar BMT-nin ali komissarı ilə müzakirəyə başlasın”, - o bildirib.

Paşinyan vurğulayıb ki, Bakı, Şirvan, Sumqayıt, Gəncə, Göygöl, Şəmkir, Naxçıvan və Azərbaycanın digər rayonlarından çıxarılan ermənilər eyni məsələ ilə bağlı hökumətə müraciət edirlər:

“Onlar şikayət edirlər ki, biz onların sülhməramlıların müşayiəti ilə öz evlərinə qayıtması məsələsini qaldırmırıq. Üçtərəfli Bəyanatın 7-ci bəndi yalnız Qarabağa və ona bitişik rayonlara aiddir, lakin bu, həmin rayonlara ermənilərin qayıtmasına mane olmur. Onlar öz mülkiyyət hüquqlarını beynəlxalq instansiyalarda təqdim edirlər”.

Qeyd edək ki, Paşinyan bu barədə “hərəkətə” Qərbi Azərbaycan İcmasının Ermənistandakı dədə-baba yurdlarına qayıtmağa şərait yaratmaları ilə bağlı müraciətindən sonra keçib.

• Paşinyan “O olmasın, bu olmasın”ı dinlədi - Video
• ABŞ niyə Bakını alqışlamağa məcbur oldu?
• DTX 70 kq qızılla saxlanılan diplomatla bağlı - Məlumat yaydı
• Bu uşaqlara 6000 manat birdəfəlik müavinət veriləcək
• Gürcü Arzusu Maydan istəyir: Bu, onun nəyinə lazımdır?
• Mikaelyan sərhəddən video yaydı: Döyüşə hazırıq!
• İmamoğlunun “itib-batan” Bakı səfərinin sensasion detalı - Video
• Qorxurlar ki, İlham Əliyevi “İlin adamı” seçsələr...