Bu, Ermənistan və Azərbaycan hökumətlərinin qərarı idi və ATƏT də bunu məmnuniyyətlə yerinə yetirdi.
BUTA.TV Teleqraf-a istinadla xəbər verir ki, bunu Finlandiyanın Ermənistandakı səfiri Kirsti Narinen ATƏT-in Minsk qrupunun buraxılması məsələsinə toxunaraq deyib.
“Məncə, Minsk qrupu kifayət qədər uzun müddət fəaliyyətsiz qalan, sadəcə mövcud olan bir struktur idi, amma praktikada, açığını desəm, ondan heç bir alət kimi istifadə oluna bilməzdi”, - səfir bildirib.
Azərbaycanın Qarabağ İqtisadi Rayonundan könüllü getmiş ermənilərə gəlincə, Narinen qeyd edib:
“Hesab edirəm ki, bizim onlar üçün edə biləcəyimiz ən yaxşı şey Ermənistanın möhkəmliyini, rifahını artırmaq və bu insanların burada məskunlaşması və öz həyatlarını tapması üçün iqtisadi, siyasi və sosial imkanlar yaratmaqla ona dəstək olmaqdır. Əgər uzunmüddətli perspektivdən danışırıqsa, bu nöqtədə mühakimə yürütmək mümkün deyil”.
Diplomat Azərbaycan və Ermənistan arasında sülhün mümkünlüyünə də diqqət çəkib:
“Sülh iradə məsələsidir. Əgər iki xalq və dövlət arasında sülh və barışıq iradəsi varsa, bu, əlbəttə, mümkündür. Amma bu, uzunmüddətli proses ola bilər”.
- Ramazanın 4-cü günü: Dua, imsak və iftar vaxtı
- Ötən ay avtomobil nəqliyyatı ilə neçə milyon sərnişin daşınıb?
- Xidmət zamanı maşın vuran FHN əməkdaşının son vəziyyəti
- Bakıda evlərə qənim kəsilən oğru saxlanıldı
- 102-yə zəng edib narkotikin qiymətindən danışdı, həbs olundu
- Mehdiyev AMEA-dan qovulur – Rəyasət Heyəti toplanır
- Adnan Əhmədzadə ilə bağlı bu iddia yalan çıxdı
- Çalışdığı avtoyumada “Hunday”ı qaçırdı