Azərbaycan beynəlxalq axtarışa verilən şəxsi Monakoya təhvil verib.
BUTA.TV xəbər verir ki, bu barədə Baş Prokurorluğun Mətbuat xidmətinin məlumatında bildirilib.
Monako Knyazlığının hüquq mühafizə orqanları tərəfindən iqtisadi sahədə cinayətlər törətməkdə təqsirləndirilərək beynəlxalq axtarışa elan edilmiş 1991-ci il təvəllüdlü Hindistan Respublikasının vətəndaşı Rathore Devanshunun verilməsinə dair Monako Knyazlığının səlahiyyətli orqanının vəsatəti baxılması üçün Baş Prokurorluq tərəfindən Bakı Ağır Cinayətlər Məhkəməsinə göndərilib.
Qeyd olunan şəxs 2024-cü ilin iyun ayında ölkəmizdə müəyyən edilərək barəsində həbs qətimkan tədbiri seçilib.
"Ekstradisiya haqqında" Avropa Konvensiyasına və ona Əlavə Protokollara əsasən məhkumun ekstradisiyası haqqında qərar qəbul edilərək Ədliyyə Nazirliyinin Penitensiar Xidmətinin xüsusi konvoyunun müşayiəti ilə Monako Knyazlığının səlahiyyətli orqanlarına təhvil verilib.
- İrandan Azərbaycana keçənlərin sayı - Son rəqəm
- Pensiyaçılara şad xəbər!
- Dələduzluq edən SMM saxlanıldı
- Xankəndi Tibb Mərkəzinin rəhbəri dəyişdirildi
- Azərbaycanda bu otel bağlandı - Video
- Xəzərdə ard-arda zəlzələ oldu
- Qubada qarın hündürlüyü 3 metrə çatdı - Video
- Xankəndidə mağazada yararsız məhsullar aşkarlandı