Bəşəriyyət ilk dəfə belə bir iqlim böhranı ilə üzləşib. Bu böhrana görə məsuliyyəti də məhz bəşəriyyət daşıyır. Bəzi birliklər şübhəsiz ki, digərlərindən daha çox məsuliyyət daşıyır.

BUTA.TV xəbər verir ki, bu sözləri Avropa Birliyi Şurasının Prezidenti Şarl Mişel COP29 Liderlər Sammitində çıxışı zamanı deyib.

Ş.Mişel iqlim dəyişikliyinin dağıdıcı nəticələrinin dünyada getdikcə daha çox müşahidə olunduğunu vurğulayıb.

Onun sözlərinə görə, Paris Sazişinin həyata keçirilməsinin əsasını əməkdaşlıq prinsipi təşkil etməlidir:

“Biz cəsarət və həmrəylik nümayiş etdirməliyik. Siz maliyyə öhdəlikləri çərçivəsində hər il 31 milyard ABŞ dolları ayıran AB-yə güvənə bilərsiniz. Biz G7 ölkələri və sürətlə inkişaf edən iqtisadiyyatlar da daxil olmaqla bütün həmkarlarımızı bizdən nümunə götürməyə çağırırıq”.

O, həmçinin vurğulayıb ki, AB iqlim dəyişiklikləri ilə mübarizədə çoxsəviyyəli yanaşmanı dəstəkləyir. Ş.Mişel qarşıya qoyulan məqsədlərə çatmaq üçün beynəlxalq ticarəti və inkişaf banklarını səfərbər etməyə çağırıb:

“Bədbin proqnozlara baxmayaraq, bir neçə həftə bundan əvvəl Nyu Yorkda “Gələcək naminə pakt” imzaladıq. Ümid edirəm ki, bu Tərəflər Konfransı etimad, dözümlülük və sözlərdən əmələ keçid konfransı olacaq”.

• Boşananlara bəd xəbər: aliment artırılır
• Quterreş Bakıdan səsləndi: Razılaşma əldə etməliyik!
• Libbi Bakıdan mesaj verdi, İrəvan təkzib etdi. Niyə?
• Zaxarovadan COP29-la bağlı açıqlama
• COP29-a qarşı çıxdıq: Bakıya kim gəldi, biz nə qazandıq? - İrəvandan baxış
• Bakı və İrəvan sülh sazişində razılaşdırılmayan “iki bənd” nədir?
• İrəvan təkzib etdi: Azərbaycanla əməkdaşlıq…
• Müəllimlərin maaşı artdı