Xəbər verdiyimiz kimi, Prezident İlham Əliyevin sərəncamı ilə Yaşar Adil oğlu Ömərov Azərbaycan Texnologiya Universitetinin rektoru təyin edilib.

BUTA.TV xəbər verir ki, Y.Ömərov 1 dekabr 1977-ci ildə Bakı şəhərində anadan olub.

O Yasamal rayonu 52 nömrəli tam orta məktəbi bitirdikdən sonra 1995-ci ildə Bakı Dövlət Universitetinin (BDU) bakalavriat səviyyəsinin “Biokimya” ixtisasına qəbul olmuş və 1999-cu ildə həmin ixtisas üzrə bitirib.

Y.Ömərov 1999-2001-ci illərdə təhsilini BDU-nun magistraturasında eyni ixtisas üzrə davam etdirib. 2001-ci ildə BDU-nun aspiranturasına qəbul olmuş, 2007-ci ildə namizədlik dissertasiyasını müdafiə edərək biologiya üzrə elmlər namizədi elmi dərəcəsini alıb.

Əmək fəaliyyətinə 1999-cu ildə BDU-nun Biologiya fakültəsinin Biokimya və biotexnologiya kafedrasında laborant vəzifəsində başlayıb.

2001-2014-cü illərdə həmin fakültədə baş laborant, laboratoriya müdiri, müəllim, dosent və dekan müavini vəzifələrində çalışıb.

Y.Ömərov 2014-cü ildən başlayaraq əmək fəaliyyətini Azərbaycan Respublikasının Təhsil Nazirliyində davam etdirmiş və Nazirliyin Elm, ali və orta ixtisas təhsili şöbəsində aparıcı və baş məsləhətçi vəzifələrində çalışıb, 2019-cu ildən hal- hazıradək Təhsil Nazirliyinin Elm, ali və orta ixtisas təhsili şöbəsində Ali, orta ixtisas və əlavə təhsil sektorunun müdiri vəzifəsində çalışır.

2021-ci ilin iyulundan başlayaraq Y.A.Ömərov Azərbaycan Texnologiya Universitetində elm və innovasiya məsələləri üzrə prorektor və sonradan tədris işləri üzrə prorektor səlahiyyətlərini icra edib.

Təhsil nazirinin 25.07.2022-ci il tarixli əmri ilə Azərbaycan Texnologiya Universitetinin rektoru vəzifəsi Yaşar Ömərova həvalə edilib.

• Berbok Bakıda, görün, nələrlə məşuldur – İnanılmaz
• Milli Məclisdən Paşinyana cavab: Bu, ərazi iddiasıdır!
• COP29-da mühüm razılıq əldə olundu
• 70 kq qızılla saxlanılan diplomatın kimliyi bilindi
• Taksist qonağı hava limanından 139 manata gətirdi - DİN işə qarışdı
• Bakıda COP29 keçirilir, buna görə də… - Paşinyan
• 70 kq qızılla tutulan diplomat bu səfirlikdə işləyir - Bakıya gətirildi
• Bakıda keçirilən COP29-un bitəcəyi tarix açıqlandı