Qarabağ və Türkiyə-Azərbaycan Universitetinlərində yeni tədris ili bir həftə gec başlayacaq.

BUTA.TV Report-a istinadən xəbər verir ki, bu barədə elm və təhsil naziri Emin Əmrullayev jurnalistlərə açıqlamasında deyib.

Nazirin sözlərinə görə, Qarabağ Universitetinə qəbul olan tələbələrin yataqxanalara yerləşdirilməsi prosesinə sentyabrın 15-16-dan başlanılacaq:

"Universitetdə ilk tədris ili olduğu üçün birinci həftə tanışlıq həftəsi olacaq. Tədris sentyabrın 23-dən etibarən başlayacaq. Bu oxşar təcrübə Türkiyə-Azərbaycan Universitetində də tətbiq olunacaq".

Qarabağ Universitetində təhsil alacaq tələbələrə veriləcək əlavə təqaüd məbləği barədə danışan E.Əmrullayev vurğulayıb ki, bununla bağlı tələbələrin qeydiyyat prosesinin başa çatması gözlənilir:

"Artıq 99 faiz tələbənin qeydiyyatı başa çatıb, imtina yoxdur. Tələbələrin hər biri təqaüdlə təmin olunacaq. Tədris ili başladıqdan sonra tələbələrə 100-150 manat arasında əlavə təqaüdlərin verilməsi planlaşdırılır. Eyni zamanda bəzi özəl şirkətlər də prosesə qoşularaq tələbələrə əlavə təqaüdlərin verilməsi təşəbbüsünü göstəriblər".

• Bakıdan Məkkəyə velisopedlə gedir - Video
• Yayda meyvə-tərəvəz bahalaşa bilər - Video
• Bu şəxslər 1000 manat cərimələnəcək - Video
• Ukraynalı uşaqlar reabilitasiya üçün Azərbaycana gətirildi
• 100 ildən çox yaşı olan qamış bina hər an uça bilər
• Bəzi yollarda görünüş məsafəsi məhdudlaşacaq
• Alça satışa çıxdı: kilosu 100 manata - Video
• Lənkəranda sexdə partlayış: yaralanan var