Qazaxıstan iqlim dəyişikliyi ilə bağlı öhdəliklərə məsuliyyətlə yanaşır və BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) işində fəal iştirak etməyi planlaşdırır.
BUTA.TV xəbər verir ki, bunu Qazaxıstan Prezidenti Qasım-Jomart Tokayev Türk Dövlətləri Təşkilatının (TDT) dövlət başçılarının iyulun 6-da Şuşada keçirilən qeyri-rəsmi Zirvə görüşündə çıxışı zamanı deyib.
Onun sözlərinə görə, iqlim dəyişikliyinin idarə edilməsi böyük əhəmiyyət kəsb edir:
“İqlim vəziyyəti daha da mürəkkəbləşir. Dünyanın müxtəlif yerlərində baş verən anormal istilər, meşə yanğınları, quraqlıq və daşqınlar bu tendensiyanı əyani şəkildə təsdiqləyir. Biz türk dünyası ilə iqlim məsələlərində əməkdaşlığı gücləndirməyə hazırıq. Bu il biz Azərbaycanda keçiriləcək COP29 iqlim konfransında fəal iştirak etməyi planlaşdırırıq. Qazaxıstan iqlim dəyişikliyi ilə bağlı öhdəliklərə məsuliyyətlə yanaşır”.
O, həmçinin əlavə edib ki, 2026-cı ildə Qazaxıstan BMT-nin himayəsi altında Regional İqlim Sammiti keçirəcək.
- Şəkili Pərviz yenə saxlanıldı
- Əcnəbilərlə evliliyin artmasının əsas səbəbi nədir? - Video
- Xəzər sahilində ev tikənlərə xəbərdarlıq - Video
- Ötən gün 18 kiloqramdan çox narkotik aşkarlandı
- Bu evlərə görə cərimələnə bilərsiniz - Diqqət!
- Axtarışda olan 153 nəfər saxlanıldı
- Bu şəhərlərdə WUF13 Festivalı keçiriləcək: İştirak sərbəstdir
- QHT nümayəndələri Nyu-York merinə məktub yazdı